വിരുന്നിനെത്തിയ പെണ്കുട്ടിയെ പീഡിപ്പിച്ച് ഗര്ഭിണിയാക്കി; ബന്ധുക്കളുടെ പരാതി, യുവാവ് അറസ്റ്റില്
Synopsis
പെണ്കുട്ടി വിവരം അറിയിച്ചതിനെ തുടര്ന്ന് ബന്ധുക്കള് പൊലീസില് പരാതി നല്കുകയായിരുന്നു. കേസെടുത്ത പൊലീസ് പ്രതിയെ കസ്റ്റഡിയിലെടുത്തു.
കല്പ്പറ്റ: തമിഴ്നാട്ടില് നിന്ന് ദീപാവലി അവധിക്ക് വയനാട്ടിലെത്തിയ പെണ്കുട്ടിയെ പീഡിപ്പിച്ച് ഗര്ഭിണിയാക്കിയ യുവാവ് അറസ്റ്റില്. പനമരം കുന്നുമ്മല് വീട്ടില് അശ്വന്ത് (19) നെയാണ് പെണ്കുട്ടിയുടെ ബന്ധുക്കളുടെ പരാതിയെ തുടര്ന്ന് പനമരം പോലീസ് അറസ്റ്റ് ചെയ്തത്. കരിമ്പുമ്മല് ചുണ്ടക്കുന്നിലെ ബന്ധുവീട്ടിലേക്ക് വിരുന്നെത്തിയതായിരുന്നു പെണ്കുട്ടി.
പെണ്കുട്ടി വിവരം അറിയിച്ചതിനെ തുടര്ന്ന് ബന്ധുക്കള് പൊലീസില് പരാതി നല്കുകയായിരുന്നു. കേസെടുത്ത പൊലീസ് പ്രതിയെ കസ്റ്റഡിയിലെടുത്തു. വൈദ്യ പരിശോധനയ്ക്ക് ശേഷം അറസ്റ്റ് രേഖപ്പെടുത്തി മാനന്തവാടി പോക്സോ പ്രത്യേക കോടതിയില് ഹാജരാക്കി റിമാന്ഡ് ചെയ്തു. പനമരം സ്റ്റേഷന് ഇന്സ്പെക്ടര് വി. സിജിത്ത്, എസ്.ഐ. വിമല് ചന്ദ്രന്, എ.എസ്.ഐ വിനോദ് ജോസഫ്, സീനിയര് സിവില് പൊലീസ് ഓഫീസര് കെ. ഷിഹാബ് എന്നിവരടങ്ങിയ സംഘമാണ് പ്രതിയെ അറസ്റ്റുചെയ്തത്.
Read More : കാണാതായ യുവതി തൂങ്ങി മരിച്ച നിലയില്; മൃതദേഹം കണ്ടെത്തിയത് സ്വകാര്യവ്യക്തിയുടെ പറമ്പില്