കാണാതായ യുവതി തൂങ്ങി മരിച്ച നിലയില്; മൃതദേഹം കണ്ടെത്തിയത് സ്വകാര്യവ്യക്തിയുടെ പറമ്പില്
Synopsis
തേസ്യയുടെ വീടിന് സമീപത്തെ സ്വകാര്യ വ്യക്തിയുടെ തോട്ടത്തില് തൂങ്ങി മരിച്ചനിലയിലാണ് മൃതദേഹം കണ്ടെത്തിയത്.
മാനന്തവാടി: രണ്ടു ദിവസം മുമ്പ് വയനാട്ടില് കാണാതായ യുവതിയെ തൂങ്ങിമരിച്ച നിലയില് കണ്ടെത്തി. പിലാക്കാവ് വടക്കേ തലത്തില് ത്രേസ്യ (സുജി-38) യാണ് മരിച്ചത്. രണ്ട് ദിവസം മുന്പാണ് യുവതിയെ വീട്ടില് നിന്നും കാണാതായത്. തിങ്കളാഴ്ച രാവിലെ മുതല് കാണാതായ യുവതിക്ക് വേണ്ടി തെരച്ചില് നടന്നുവരികയായിരുന്നു. ബന്ധുക്കളും നാട്ടുകാരും തെരച്ചില് തുടരുന്നതിനിടെയാണ് ബുധനാഴ്ച ഉച്ചയോടെ മൃതദേഹം കണ്ടെത്തിയത്.
തേസ്യയുടെ വീടിന് സമീപത്തെ സ്വകാര്യ വ്യക്തിയുടെ തോട്ടത്തില് തൂങ്ങി മരിച്ചനിലയിലാണ് മൃതദേഹം കണ്ടെത്തിയത്. മാനന്തവാടി പൊലീസ് ഇന്ക്വസ്റ്റ് നടത്തിയ മൃതദേഹം പോസ്റ്റ്മോര്ട്ടത്തിനായി വയനാട് ഗവ. മെഡിക്കല് കോളേജ് മോര്ച്ചറിയിലേക്ക് മാറ്റി. നടപടിക്രമങ്ങള്ക്ക് ശേഷം മൃതദേഹം ബന്ധുക്കള്ക്ക് വിട്ടുനല്കും. ഭര്ത്താവ്: വിനീഷ് ജോസ്. മക്കള്: അല്ജിന് ജോസ് ജോസഫ്, അല്ജിയ റോസ്, ആന് സേവ്യര്.
Read More : വിദ്യാർത്ഥികളോട് അപമര്യാദയായി പെരുമാറി, കൊല്ലത്ത് മദ്രസ അധ്യാപകൻ പോക്സോ കേസിൽ അറസ്റ്റിൽ
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056)