പുലര്ച്ചെ 3 മണി, രണ്ടു പേരും കൂടി സ്കൂട്ടറിൽ ഒരൊറ്റപ്പോക്ക്, പിടിച്ചു നിർത്തി പരിശോധിച്ചു; തോക്കും തിരയും!
Synopsis
കഴിഞ്ഞ ദിവസം പുലര്ച്ചെ മൂന്നോടെ കൂടരഞ്ഞി-കക്കാടംപൊയില് റോഡില് കള്ളിപ്പാറയില് വെച്ചാണ് സംഭവം.
കോഴിക്കോട്: നായാട്ടിനായെത്തിയ യുവാക്കളെ നിറതോക്കുകളുമായി വനം വകുപ്പ് ഉദ്യോഗസ്ഥര് അറസ്റ്റ് ചെയ്തു. കോഴിക്കോട് കൂടരഞ്ഞി സ്വദേശികളായ റെനോന്(39), ടിബിന്(39) എന്നിവരാണ് മലപ്പുറം അരീക്കോട് കൊടുമ്പുഴ വനംവകുപ്പ് ഉദ്യോഗസ്ഥരുടെ പിടിയിലായത്. കഴിഞ്ഞ ദിവസം പുലര്ച്ചെ മൂന്നോടെ കൂടരഞ്ഞി-കക്കാടംപൊയില് റോഡില് കള്ളിപ്പാറയില് വെച്ചാണ് സംഭവം.
സകൂട്ടറില് സഞ്ചരിക്കുകയായിരുന്നു റെനോനും ടിബിനും. ഡെപ്യൂട്ടി റേഞ്ച് ഫോറസ്റ്റ് ഓഫിസര് നാരായണന്റെ നിര്ദേശ പ്രകാരം വാഹന പരിശോധന നടത്തുകയായിരുന്ന വനം വകുപ്പ് ഉദ്യോഗസ്ഥരെ കണ്ട് കടന്നുകളയാന് ശ്രമിക്കുന്നതിനിടെയാണ് ഇരുവരും പിടിയിലാകുന്നത്. സെക്ഷന് ഫോറസ്റ്റ് ഓഫിസര് ഷിജി, ഡിജില് ബീറ്റ് ഫോറസ്റ്റ് ഓഫീസര് അമല് വിജയന് എന്നിവര് ചേര്ന്നാണ് ഇരുവരെയും അറസ്റ്റ് ചെയ്തത്. കൂടുതല് പരിശോധിച്ചപ്പോള് തിരനിറച്ച തോക്കും അഞ്ച് തിരകളും കണ്ടെത്തുകയായിരുന്നു. ഇവരെ മഞ്ചേരി കോടതിയില് ഹാജരാക്കി റിമാന്ഡ് ചെയ്തു. അതേസമയം പിടികൂടിയവരെ വനം വകുപ്പ് ഉദ്യോഗസ്ഥര് മര്ദ്ദിച്ചതായി പരാതി ഉയര്ന്നിട്ടുണ്ട്.
കെഎസ്ആര്ടിസി ബസ് താഴ്ചയിലേക്ക് മറിഞ്ഞ് അപകടം; ആളുകള് കുടുങ്ങിക്കിടക്കുന്നു, രക്ഷാപ്രവര്ത്തനം
ഏഷ്യാനെറ്റ് ന്യൂസ് തത്സമയം കാണാം...
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam