'നിനക്കൊക്കെ കുടുംബമില്ലേ?' തൃശൂരിൽ പൊലീസിനെതിരെ കത്തി വീശിയ 27 കാരന് 32 കേസുകളിലെ പ്രതി, പിടിയിൽ
Synopsis
ഇന്നലെ വൈകീട്ട് പൊലീസിന് നേരെ അസഭ്യ വര്ഷത്തിന് പിന്നാലെ പുത്തന്പീടികയിലെ ഷാപ്പിന് അകത്തേക്ക് കയറി കത്തിയെടുത്ത് പുറത്തേക്ക് വന്ന് പൊലീസിനെതിരെ വീശുകയായിരുന്നു.
തൃശൂർ: പൊലീസിന് നേരെ കത്തി വീശി ഗുണ്ടയുടെ ആക്രമം. തൃശൂർ പുത്തൻ പീടികയിലാണ് പൊലീസിന് നേരെ ഗുണ്ട കത്തി കാട്ടിയത്. സംഭവത്തില് വെങ്കിടങ്ങ് പാടൂർ കുണ്ടഴിയൂർ സ്വദേശി സിയാദിനെ (27) അന്തിക്കാട് പൊലീസ് അറസ്റ്റ് ചെയ്തു.
പാവറട്ടി സ്റ്റേഷനിൽ 32 ക്രിമിനൽ കേസുകളിലെ പ്രതിയാണ് സിയാദ്. ഗുണ്ടയുടെ പരാക്രമത്തിന്റെ ദൃശ്യങ്ങൾ പുറത്ത് വന്നു. ഇന്നലെ വൈകീട്ട് പൊലീസിന് നേരെ അസഭ്യ വര്ഷത്തിന് പിന്നാലെ പുത്തന്പീടികയിലെ ഷാപ്പിന് അകത്തേക്ക് കയറി കത്തിയെടുത്ത് പുറത്തേക്ക് വന്ന് പൊലീസിനെതിരെ വീശുകയായിരുന്നു.
അതിക്രമം കാണിച്ചെന്ന് നാട്ടുകാര് പരാതിപ്പെട്ടതിന് പിന്നാലെയാണ് പൊലീസ് സംഭവ സ്ഥലത്ത് എത്തിയത്. നിങ്ങള്ക്കൊക്കെ കുടുംബമില്ലേ എന്നടക്കം ഭീഷണിപ്പെടുത്തി അസഭ്യ വര്ഷം നടത്തി ഇവിടെ നിന്ന് മാറിയ സിയാദിനെ രാത്രിയാണ് അറസ്റ്റ് ചെയ്തത്. ഇയാളുടെ ദൃശ്യങ്ങള് പൊലീസാണ് ചിത്രീകരിച്ചത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam