കോഴിക്കോട് ജില്ലയില് ഇന്ന് 64 പേര്ക്ക് കൊവിഡ്, 63 പേര്ക്കും സമ്പര്ക്കത്തിലൂടെ
Synopsis
63 പേര്ക്കും സമ്പര്ക്കം വഴിയാണ് രോഗമുണ്ടായത്. ഒരാളുടെ ഉറവിടവും വ്യക്തമല്ല.
കോഴിക്കോട്: കോഴിക്കോട് ജില്ലയില് ഇന്ന് 64 കൊവിഡ് പോസിറ്റീവ് കൂടി റിപ്പോര്ട്ട് ചെയ്തതായി ജില്ലാ മെഡിക്കല് ഓഫീസര് ഡോ. ജയശ്രീ വി. അറിയിച്ചു. ഇതില് 63 പേര്ക്കും സമ്പര്ക്കം വഴിയാണ് രോഗമുണ്ടായത്. ഒരാളുടെ ഉറവിടവും വ്യക്തമല്ല. 15 പേര് രോഗമുക്തി നേടുകയും ചെയ്തു. ഇന്ന് 1,956 സ്രവ സാംപിള് പരിശോധനക്കയച്ചു. ആകെ 24,899 സ്രവസാംപിളുകള് പരിശോധനക്കയച്ചതില് 24,127 എണ്ണത്തിന്റെ പരിശോധനാ ഫലം ലഭിച്ചു. ഇതില് 23,588 എണ്ണം നെഗറ്റീവ് ആണ്. പരിശോധനക്കയച്ച സാമ്പിളുകളില് 772 പേരുടെ ഫലം കൂടി ലഭിക്കാനുണ്ട്.
കോഴിക്കോട് ജില്ലയില് 260 കൊവിഡ് രോഗികളാണ് ചികിത്സയിലുള്ളത്. ഇതില് 64 പേര് കോഴിക്കോട് മെഡിക്കല് കോളേജിലും 78 പേര് ഫസ്റ്റ് ലൈന് ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ് ഹൗസിലും 110 പേര് കോഴിക്കോട് എന്ഐടി എഫ്എല്ടിസിയിലും മൂന്ന് പേര് കണ്ണൂരിലും രണ്ട് പേര് മലപ്പുറത്തും ഒരാള് തിരുവനന്തപുരത്തും ഒരാള് എറണാകുളത്തും ചികിത്സയിലാണ്. ഇതുകൂടാതെ ഒരു മലപ്പുറം സ്വദേശി, രണ്ട് പത്തനംതിട്ട സ്വദേശികള്, ഒരു കാസര്ഗോഡ് സ്വദേശി, ഒരു കൊല്ലം സ്വദേശി, ഒരു ആലപ്പുഴ സ്വദേശി, രണ്ട് വയനാട് സ്വദേശികള് കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററിലും ഒരു തൃശൂര് സ്വദേശിയും ഒരു കൊല്ലം സ്വദേശിയും ഒരു മലപ്പുറം സ്വദേശിയും കോഴിക്കോട് മെഡിക്കല് കോളേജിലും ചികിത്സയിലാണ്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam