എംഡിഎംഎയുടെ ഗുണനിലവാരം പരിശോധിക്കാനും വില നിശ്ചയിക്കാനും ലോഡ്ജിൽ ഒത്തുകൂടി, 19കാരിയുൾപ്പെടെ 7 പേർ പിടിയിൽ
Synopsis
കഴിഞ്ഞ മാസം ഒമാനില്‍ നിന്നുമെത്തിയ കണ്ണൂര്‍ ഇരിവേരി സ്വദേശി സഹീദിന്‍റെ കൈയിലുണ്ടായിരുന്ന എം ഡി എം എയുടെ വില നിശ്ചയിക്കാനായി ഒത്തു ചേര്‍ന്നതാണ് ഏഴംഗ സംഘം
ചാല: കണ്ണൂര്‍ ചാലയിലെ ലോഡ്ജില് നിന്നും എംഡിഎംഎയുമായി പ്രായപൂര്‍ത്തിയാകാത്ത പെണ്‍കുട്ടിയും 19കാരിയുമുള്‍പ്പെടെ ഏഴു പേര്‍ പിടിയില്‍. 17.96 ഗ്രാം എം ഡി എം എയാണ് ഇവരില്‍ നിന്നും പിടികൂടിയത്. വിദേശത്ത് നിന്നുമെത്തിച്ച ലഹരി മരുന്നിന്‍റെ ഗുണ നിലവാരം പരിശോധിക്കാനും വില നിശ്ചയിക്കാനുമാണ് ഇവര്‍ ലോഡ്ജില് ഒത്തുചേര്‍ന്നത്. കഴിഞ്ഞ മാസം ഒമാനില്‍ നിന്നുമെത്തിയ കണ്ണൂര്‍ ഇരിവേരി സ്വദേശി സഹീദിന്‍റെ കൈയിലുണ്ടായിരുന്ന എം ഡി എം എയുടെ വില നിശ്ചയിക്കാനായി ഒത്തു ചേര്‍ന്നതാണ് ഏഴംഗ സംഘം. ചാലയിലെ ലോഡ്ജില് ഇവരുണ്ടെന്ന രഹസ്യ വിവരം പോലീസിന് കിട്ടി. ഇന്നലെ രാത്രി തന്നെ പോലീസ് സംഘം ലോഡ്ജിലേക്ക് ഇരച്ചെത്തി റെയ്ഡ് ചെയ്യുകയായിരുന്നു. സഹീദിനു പുറമേ വൈറ്റില സ്വദേശി ഐശ്വര്യ,മുഴപ്പിലങ്ങാട് സ്വദേശി എ കെ ഷുഹൂല്‍,മലപ്പുറം മുണ്ടുപറമ്പ് സ്വദേശി സഞ്ജിത്,ഏഴര സ്വദേശി ഷിഫാദ്,കാടാച്ചിറ സ്വദേശി ഷമീല്‍ എന്നിവരും പിടിയിലായി. ഇവര്‍ക്കൊപ്പം 17വയസുള്ള പെണ്‍കുട്ടിയും ഉണ്ടായിരുന്നു.
ഐശ്വര്യയേയും പ്രായപൂര്‍ത്തിയാകാത്ത പെണ്‍കുട്ടിയേയും ക്യാരിയര്‍മാരായണ് ഇവര്‍ ഉപയോഗിച്ചിരുന്നത്. മറ്റുള്ളവര്‍ വിവിധ ഇടങ്ങളില്‍ ലഹരി മരുന്ന് വിതരണം ചെയ്യുന്നവരാണെന്ന് പോലീസ് പറഞ്ഞു. ലോഡ്ജില് നിന്നും ലഹരി മരുന്ന് പിടികൂടിയതിന് പിന്നാലെ മുഖ്യപ്രതി സഹീദിന്‍റെ വീട്ടില്‍ നടത്തിയ പരിശോധനയില്‍ രണ്ടു ഗ്രാമോളം എം ഡി എം എയും കണ്ടെടുത്തു. ഇവരില്‍ നിന്നും എംഡിഎം എ തൂക്കാന്‍ ഉപയോഗിക്കുന്ന ഡിജിറ്റല്‍ ത്രാസും,ഗ്ലാസ് കുഴലും പിടികൂടി
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam