9 year old dies : കളിക്കുന്നതിനിടെ ഷാള് കുരുങ്ങി ഒമ്പത് വയസ്സുകാരിക്ക് ദാരുണാന്ത്യം
Synopsis
വീടിനുള്ളില് കളിക്കുന്നതിനിടെ അബദ്ധത്തില് ഷാള് കഴുത്തില് കുടുങ്ങിയാണ് കുട്ടി മരിച്ചതെന്ന് വീട്ടുകാര് പറഞ്ഞു.
ഒറ്റപ്പാലം: പാലക്കാട് ഒറ്റപ്പാലത്ത് കളിക്കുന്നതിനിടെ ഷാള് കഴുത്തില് കുരുങ്ങി ഒമ്പത് വയസ്സുകാരി മരിച്ചു. ഒറ്റപ്പാലം വരോട്ട് ചുനങ്ങാട് വാണിവിലാസി മഠത്തില് പള്ളിയാലില് രാജേഷിന്റെ മകള് ശിഖയാണ് മരിച്ചത്. സംഭവത്തില് പൊലീസ് അസ്വഭാവിക മരണത്തിന് കേസെടുത്തു. വീടിനുള്ളില് കളിക്കുന്നതിനിടെ അബദ്ധത്തില് ഷാള് കഴുത്തില് കുടുങ്ങിയാണ് കുട്ടി മരിച്ചതെന്ന് വീട്ടുകാര് പറഞ്ഞു. കുട്ടിയെ ഒറ്റപ്പാലം താലൂക്ക് ആശുപത്രിയില് എത്തിച്ചെങ്കിലും രക്ഷിക്കാനായില്ല.
ആറാം ക്ലാസുകാരി വീട്ടില് മരിച്ച നിലയില്
കോഴിക്കോട്: കട്ടിപ്പാറയില് ആറാം ക്ലാസുകാരിയെ വീട്ടില് മരിച്ച നിലയില് കണ്ടെത്തി. കട്ടിപ്പാറ താഴ് വാരം തിയ്യക്കണ്ടി വിനോദിന്റെ മകള് വൈഷ്ണ (11) യെയാണ് വീട്ടിലെ മുറിയില് മരിച്ച നിലയില് കണ്ടെത്തിയത്. കട്ടിപ്പാറ നസ്റത്ത് യു.പി സ്കൂളിലെ ആറാം ക്ലാസ് വിദ്യാര്ത്ഥിനിയാണ്. മാതാവ്: ബൗഷ.
സഹോദരങ്ങള്: വിനായക്, വൈഗ. സംഭവ സമയം മാതാപിതാക്കള് വീട്ടില് ഉണ്ടായിരുന്നില്ല. മൃതദേഹം താമരശ്ശേരി താലൂക്ക് ആശുപത്രിയില് വെച്ച് പൊലീസിന്റെ പ്രാഥമിക നടപടിക്രങ്ങള്ക്ക് ശേഷം മൃതദേഹം പോസ്റ്റ്മോര്ട്ടത്തിനായി കോഴിക്കോട് മെഡിക്കല് കോളേജിലേക്ക് മാറ്റി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam