ഷോർട്ട് സർക്യൂട്ടാണ് അപകടത്തിന് ഇടയാക്കിയതെന്നാണ് പ്രാഥമിക നിഗമനം. ആളപായമില്ല.
പാലക്കാട്: പട്ടാമ്പി കൂറ്റനാട് പാതയിൽ വാവനൂർ പെട്രോൾ പമ്പിന് മുന്നിൽ വെച്ച് ഓടിക്കൊണ്ടിരുന്ന വാഹനം കത്തിനശിച്ചു. വൈകിട്ടാണ് സംഭവമുണ്ടായത്. കാഞ്ഞിരത്താണി സ്വദേശിയുടെ ടാറ്റ എയ്‌സ് വാഹനമാണ് അഗ്നിക്കിരയായത്. ഷോർട്ട് സർക്യൂട്ടാണ് അപകടത്തിന് ഇടയാക്കിയതെന്നാണ് പ്രാഥമിക നിഗമനം. ആളപായമില്ല.നാട്ടുകാരും ഫയർ ഫോഴ്‌സ് യൂണിറ്റും എത്തിയാണ് തീയണച്ചത്.വാഹനത്തിൽ ഉണ്ടായിരുന്ന 6000 രൂപയും വാഹനത്തിന്റെ രേഖകളും കത്തിനശിച്ചു. ചലിശ്ശേരി പൊലീസ് സ്ഥലത്തെത്തി അന്വേഷണം നടത്തി.