സ്കൂൾ കുട്ടികൾക്ക് കഞ്ചാവ് വിൽക്കുന്ന യുവാവ് അറസ്റ്റില്‍

രഹസ്യ വിവരം ലഭിച്ചതിന്റെ അടിസ്ഥാനത്തിൽ മുഹമ്മ ബസ്റ്റാൻഡിൽ നിന്നും ഞായറാഴ്ച  രാവിലെ എക്സൈസ് സർക്കിൾ ഓഫീസിലെ ഇൻസ്പെക്ടർ എം.കൃഷ്ണകുമാറിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. 

ചേർത്തല: സ്കൂൾ കുട്ടികൾക്ക് കഞ്ചാവ് വിൽക്കുന്ന സംഘത്തിലെ പ്രധാനിയായ യുവാവ് അറസ്റ്റില്‍. ആര്യാട് തെക്ക് കാളാത്ത് മുപ്പത് നികർത്തിൽ മനു(25)നെയാണ്  ഒന്നര കിലോ കഞ്ചാവുമായി എക്സൈസ് പിടികൂടിയത്. രഹസ്യ വിവരം ലഭിച്ചതിന്റെ അടിസ്ഥാനത്തിൽ മുഹമ്മ ബസ്റ്റാൻഡിൽ നിന്നും ഞായറാഴ്ച  രാവിലെ എക്സൈസ് സർക്കിൾ ഓഫീസിലെ ഇൻസ്പെക്ടർ എം.കൃഷ്ണകുമാറിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. '

ഇയാളിൽ നിന്ന് ഒന്നര കിലോ കഞ്ചാവിന് പുറമേ കഞ്ചാവ് വിൽപ്പന നടത്തി ലഭിച്ച 1500 രൂപയും പാക്കറ്റുകളായി വിൽക്കുന്നതിനുള്ള കവറുകളും പിടിച്ചെടുത്തു. ആലപ്പുഴ, മുഹമ്മ ഭാഗങ്ങളിൽ സ്കൂൾ കുട്ടികൾക്ക് ഉൾപ്പെടെ ചെറിയ പൊതികളാക്കിയാണ് ഇയാള്‍ കഞ്ചാവ് വിൽക്കുന്നെന്ന് എക്സൈസ് സംഘം പറഞ്ഞു. ഇയാൾ മഹാരാഷ്ട്രയിൽ നിന്ന് ബാഗുകളിലാക്കി ട്രെയിൻ മാർഗമാണ് കഞ്ചാവ് എത്തിക്കുന്നത്.