ഡ്യൂട്ടിക്കിടെ ട്രാഫിക്ക് എ എസ് ഐയെ മർദ്ദിച്ച പ്രതി അറസ്റ്റിൽ

ഡ്യൂട്ടിക്കിടെ ട്രാഫിക്ക് എ എസ് ഐയെ മർദ്ദിച്ച പ്രതിയെ പൊലീസ് അറസ്റ്റ് ചെയ്തു. തോക്കുപാറ അക്ഷരനിവാസ് വീട്ടിൽ കൃഷ്ണൻ മകൻ മുരുകൻ [35] നെയാണ് മൂന്നാർ എസ് .ഐ ശ്യാംകുമാർ അറസ്റ്റ് ചെയ്തത്. 

ഇടുക്കി: ഡ്യൂട്ടിക്കിടെ ട്രാഫിക്ക് എ എസ് ഐയെ മർദ്ദിച്ച പ്രതിയെ പൊലീസ് അറസ്റ്റ് ചെയ്തു. തോക്കുപാറ അക്ഷരനിവാസ് വീട്ടിൽ കൃഷ്ണൻ മകൻ മുരുകൻ [35] നെയാണ് മൂന്നാർ എസ് ഐ ശ്യാംകുമാർ അറസ്റ്റ് ചെയ്തത്. ഞയറാഴ്ച ട്രാഫിക്ക് നിയന്ത്രിക്കുന്നതിനിടെ ബൈക്കില്‍ അമിത വേഗതയിലെത്തിയ മുരുകനെ ട്രാഫിക്ക് എ എസ് ഐ പ്രകാശൻ പിടികൂടിയിരുന്നു. മദ്യപിച്ചായിരുന്നു ഇയാള്‍ വാഹനമോടിച്ചത്. ഇത് വാക്ക് തർക്കങ്ങൾക്ക് ഇടയാക്കി. ഇതിനിടെ മുരുൻ ബൈക്കിന്റെ താക്കോൽ ഉപയോഗിച്ച് എ എസ് ഐയെ കുത്തികയും  മർദ്ദിക്കുകയുമായിരുന്നു. മുഖത്തും കൈയ്യും പരിക്കേറ്റ ട്രാഫിക്ക് എ എസ് ഐ പ്രകാശന്‍ മൂന്നാർ ജനറൽ ആശുപത്രിയിൽ ചികിൽസയിലാണ്. പ്രതിയെ നാളെ കോടതിയിൽ ഹാജരാക്കും.