പത്തനംതിട്ടയിൽ രാത്രിയിൽ ബൈക്കിൽ പോയ യുവാവിന്റെ നേർക്ക് ആസിഡ് ആക്രമണം

Published : May 18, 2025, 11:13 AM ISTUpdated : May 18, 2025, 11:34 AM IST
പത്തനംതിട്ടയിൽ രാത്രിയിൽ ബൈക്കിൽ പോയ യുവാവിന്റെ നേർക്ക് ആസിഡ് ആക്രമണം

Synopsis

ബൈക്കിൽ സഞ്ചരിച്ച യുവാവിന് നേരെ ആസിഡ് ആക്രമണം. പത്തനംതിട്ട കലഞ്ഞൂരിൽ ഇന്നലെ രാത്രിയാണ് സംഭവം

പത്തനംതിട്ട: ബൈക്കിൽ സഞ്ചരിച്ച യുവാവിന് നേരെ ആസിഡ് ആക്രമണം. പത്തനംതിട്ട കലഞ്ഞൂരിൽ ഇന്നലെ രാത്രിയാണ് സംഭവം. ആക്രമണത്തിനിരയായ 34കാരനായ അനൂപ് സ്വകാര്യ ആശുപത്രിയിൽ ചികിത്സയിൽ കഴിയുകയാണ്. സംഭവത്തെക്കുറിച്ച് കൂടൽ പൊലീസ് അന്വേഷണം ആരംഭിച്ചു. ലിബിൻ ലാൽ എന്ന യുവാവിനെയാണ് നിലവിൽ പൊലീസ് പ്രതി ചേര്‍ത്തിരിക്കുന്നത്. അക്രമത്തിൽ ഇയാളുടെ പങ്കെന്താണെന്ന് പൊലീസ് പരിശോധിച്ചുവരികയാണ്.

അനൂപ് കുമാറിനോടുള്ള മുൻ വൈരാഗ്യമാണ് സംഭവത്തിന് പിന്നിലെന്നാണ് പൊലീസ് എഫ്ഐആറിൽ രേഖപ്പെടുത്തിയിരിക്കുന്നത്. ഇന്നലെ രാത്രി എട്ടരക്ക് ശേഷമാണ് സംഭവം. കട നടത്തുകയാണ് അനൂപ് കുമാര്‍. കട അടച്ചതിന് ശേഷം രാത്രി വീട്ടിലേക്ക് മടങ്ങുന്ന സമയത്ത്, വീടിന് സമീപത്ത് വെച്ച് ആക്രമണം നേരിട്ടത്. മുഖത്തും ഇടതുകണ്ണിനും നെഞ്ചിനും പരിക്കേറ്റിട്ടുണ്ട്. ആരോഗ്യനില ഗുരുതരമല്ലെങ്കിലും കണ്ണിന് പരിക്കേറ്റിട്ടുണ്ട്. കാഴ്ചക്കുറവുണ്ടാകുമോ എന്ന കാര്യം പരിശോധിച്ചു വരികയാണ്. സംഭവത്തിൽ വിശദമായി മൊഴിയെടുക്കുന്നതായി പൊലീസ്  അറിയിച്ചു. 

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

നിർത്തിയിട്ട കെഎസ്ആർടിസി ബസിൽ ആംബുലൻസ് ഇടിച്ചു; 4 പേർക്ക് പരിക്ക്, അപകടത്തിന് കാരണം ആംബുലൻസിൽ കാറിടിച്ചത്
ബൈക്ക് ഓടിക്കുന്നതിനിടെ തേങ്ങ തലയിൽ വീണു, ബൈക്ക് നിയന്ത്രണം വിട്ട് താഴ്ചയിലേക്ക് മറിഞ്ഞ് യുവാവ് മരിച്ചു