ഉടൻ തുറക്കുന്ന റോഡുകൾ, ടാറിങ്ങിനൊരുങ്ങിയവ, സ്മാർട്ട് സിറ്റി റോഡുകളുടെ ജോലി പുരോഗതി ഇങ്ങനെ...

സ്മാർട്ട്സിറ്റി പദ്ധതിയിൽ ഉൾപ്പെടുത്തി വികസിപ്പിക്കുന്ന ആൽത്തറ - തൈക്കാട് റോഡിന്റെ മൂന്നാം റീച്ച് ഉടൻ തുറക്കും. നോർക്ക മുതൽ വനിതാ കോളേജ് വരെയുള്ള ഭാഗമാണ് ഗതാഗതത്തിന് സജ്ജമാകുന്നത്

തിരുവനന്തപുരം: സ്മാർട്ട്സിറ്റി പദ്ധതിയിൽ ഉൾപ്പെടുത്തി വികസിപ്പിക്കുന്ന ആൽത്തറ - തൈക്കാട് റോഡിന്റെ മൂന്നാം റീച്ച് ഉടൻ തുറക്കും. നോർക്ക മുതൽ വനിതാ കോളേജ് വരെയുള്ള ഭാഗമാണ് ഗതാഗതത്തിന് സജ്ജമാകുന്നത്. ഈ റീച്ചിൽ ഒരുഭാഗത്ത് റോഡ് ഫോർമേഷൻ പ്രവൃത്തികൾ ആരംഭിച്ചു. ഡക്റ്റിന്റെ പ്രവൃത്തികൾ പൂർത്തീകരിച്ച് കേബിളുകൾ കടത്തിവിട്ടാണ് റോഡ് ഫോമേഷനിലേക്ക് കടന്നത്. ഈ റോഡിൽ ആൽത്തറ മുതൽ ഫോറെസ്റ്റ് സ്റ്റേഷൻവരെയും വനിതാ കോളേജ് വരെയുമുള്ള രണ്ടു റീച്ചുകൾ നേരത്തെ ഗതാഗതത്തിന് തുറന്നുനൽകിയിരുന്നു. 

ജനറൽ ആശുപത്രി - വഞ്ചിയൂർ റോഡ് ഗതാഗത യോഗ്യമാക്കാനുള്ള പ്രവൃത്തി ഊർജിതമാക്കി. ഇവിടെ ഡക്റ്റ് പ്രവൃത്തി പൂർത്തികരിച്ച് യൂട്ടിലിറ്റികൾ മാറ്റുന്ന പ്രവൃത്തികളിലേക്ക് എത്തി. ഈ പ്രവൃത്തി പൂർത്തിയായാൽ റോഡിൽ ഉടൻ തന്നെ ഫോർമേഷൻ പ്രവൃത്തികൾ ആരംഭിക്കും. ആദ്യഘട്ട ടാറിങ്ങിലേക്ക് എത്തിയ അട്ടക്കുളങ്ങര - കിള്ളിപ്പാലം റോഡ്  ഉടൻ  തുറക്കാനാകുമെന്ന് കെ.ആർ.എഫ്.ബി അധികൃതർ അറിയിച്ചു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം