കൊച്ചിയിലെ റെയിൽവേ പാഴ്സൽ ഓഫീസിലെത്തിയ ചാക്ക് കണ്ട് സംശയം, പരിശോധിച്ചപ്പോൾ 32 കിലോയോളം നിരോധിത പാൻ മസാലകൾ, അസം സ്വദേശി പിടിയിൽ
Synopsis
എറണാകുളം റെയിൽവെ സ്റ്റേഷനിൽ കേരള റെയിൽവെ പൊലീസും ആർ.പി.എഫും സംയുക്തമായി നടത്തിയ പരിശോധനയിലാണ് നിരോധിത പാൻ മസാലകൾ കണ്ടെത്തിയത്. സ്റ്റേഷനിൽ വരും ദിവസങ്ങളിലും പരിശോധന നടക്കും.
കൊച്ചി: റെയിൽവെ സ്റ്റേഷനിലെ പാഴ്സൽ ഓഫീസ് വഴി കടത്തിയ 32 കിലോ നിരോധിത പാൻ മസാലകൾ പിടികൂടി. പാഴ്സൽ എടുക്കാനെത്തിയ സദ്ദാം ഹുസൈൻ (28) എന്ന അസം സ്വദേശിയെ പോലീസ് കസ്റ്റഡിയിലെടുത്തു. റിപ്പബ്ലിക് ദിനാഘോഷത്തിന്റെ ഭാഗമായി എറണാകുളം റെയിൽവെ സ്റ്റേഷനിൽ കേരള റെയിൽവെ പൊലീസും ആർ.പി.എഫും സംയുക്തമായി നടത്തിയ പരിശോധനയിലാണ് നിരോധിത പാൻ മസാലകൾ കണ്ടെത്തിയത്.
ഇതര സംസ്ഥാനങ്ങളിൽ നിന്നും പാഴ്സൽ ഓഫീസുകൾ വഴി വരുന്ന പാഴ്സലുകൾ ആവശ്യമായ രീതിയിൽ പരിശോധിക്കാൻ സംവിധാനമില്ലാത്തതാണ് ഇത്തരത്തിലുള്ള ഉത്പന്നങ്ങൾ പാഴ്സൽ ചെയ്യപ്പെടുന്നതെന്ന് പൊലീസ് പറയുന്നു. തുടർന്നും റെയിൽവേ സ്റ്റേഷനിൽ ശക്തമായ ചെക്കിംഗുകൾ ഉണ്ടാകുമെന്നും പൊലീസ് അറിയിച്ചു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam