നായ കുറുകെ ചാടി, ഓട്ടോയുടെ മുൻചക്രത്തിൽ ഇടിച്ചു; ഡ്രൈവർ മരിച്ചു, യാത്രക്കാർക്ക് അത്ഭുതരക്ഷ
Synopsis
മഞ്ചേരി ഭാഗത്തു നിന്നും മങ്കടയിലേക്ക് വരികയായിരുന്ന ഓട്ടോറിക്ഷയുടെ മുന്ചക്രത്തില് നായ ഇടിച്ചതിനെ തുടര്ന്ന് നിയന്ത്രണം വിട്ടു മറിഞ്ഞു
മലപ്പുറം: മലപ്പുറത്തെ കര്ക്കടകം അങ്ങാടിയില് നായ കുറുകെ ചാടി ഓട്ടോ മറിഞ്ഞ് ഡ്രൈവര് മരിച്ചു. മഞ്ചേരി ഭാഗത്തു നിന്നും മങ്കടയിലേക്ക് വരികയായിരുന്ന ഓട്ടോറിക്ഷയുടെ മുന്ചക്രത്തില് നായ ഇടിച്ചതിനെ തുടര്ന്ന് നിയന്ത്രണം വിട്ടു മറിയുകയായിരുന്നു. വെള്ളില സ്വദേശി കടൂക്കുന്നന് നൗഫല് (43) ആണ് മരിച്ചത്.
നാട്ടുകാര് ഉടനെ മഞ്ചേരി മെഡിക്കല് കോളജില് എത്തിച്ചുവെങ്കിലും ജീവന് രക്ഷിക്കാനായില്ല. സ്ത്രീകള് ഉള്പ്പെടെയുള്ള യാത്രക്കാര് ഓട്ടോയിൽ ഉണ്ടായിരുന്നെങ്കിലും ആര്ക്കും പരിക്കില്ല.
പിതാവ്: പരേതനായ അബ്ദുറഹ്മാന് (കുഞ്ഞു). മാതാവ്: ഉമ്മുസല്മ. ഭാര്യ: മുംതാസ് അവുലന് (ചോഴിപ്പടി). മക്കള്: മുസ്തഫ, നിഹാല്. യുകെ പടി ജുമാമസ്ജിദ് കബര്സ്ഥാനില് കബറടക്കം നടത്തി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam