ജെല്ലിക്കെട്ട് സിനിമയെ വെല്ലുന്ന രക്ഷാപ്രവര്‍ത്തനം; കിണറ്റിൽ വീണ പോത്തിനെ രക്ഷപെടുത്തി

സംഭവം അറിഞ്ഞ് തിരൂരിൽ നിന്നും എത്തിയ അഗ്നിശമന സേന സംഘമാണ് ഏറെ പണിപ്പെട്ട് വടം കെട്ടി സുരക്ഷിതമായി കിണറിന് പുറത്തേക്കെത്തിച്ചത്

പരപ്പനങ്ങാടി: കിണറ്റിൽ വീണ പോത്തിനെ അഗ്നിശമന സേന രക്ഷപ്പെടുത്തി. അരിയല്ലൂർസായി മഠം റോഡിലെ അച്ചംവീട്ടിൽ ശ്രീരാജന്റെ പറമ്പിനടുത്തുള്ള ആൾമറയില്ലാത്ത കിണറ്റിലാണ് പോത്ത് വീണത്.

ചെട്ടിപ്പടി സ്വദേശി സഞ്ജുവിന്റേതാണ് പോത്ത്. സംഭവം അറിഞ്ഞ് തിരൂരിൽ നിന്നും എത്തിയ അഗ്നിശമന സേന സംഘമാണ് ഏറെ പണിപ്പെട്ട് വടം കെട്ടി സുരക്ഷിതമായി കിണറിന് പുറത്തേക്കെത്തിച്ചത്.