വീട്ടുമുറ്റത്ത് കിടന്ന കാറിന്‍റെ ചില്ല് വലിയ പാറക്കല്ല് ഉപയോഗിച്ച് തകർത്തു

മുതുകുളം കനകക്കുന്ന് മിത്രാ നികേതനിൽ ശ്രീജിയുടെ വീട്ടുമുറ്റത്ത് കിടന്ന കാറിന്റെ ചില്ലുകളാണ് കഴിഞ്ഞ ദിവസം രാത്രി തകർത്തത്

ഹരിപ്പാട്: വീടിന് മുന്നിൽ സൂക്ഷിച്ചിരുന്ന കാറിന്റെ ചില്ല് സാമൂഹ്യവിരുദ്ധര്‍ തകർത്തു. മുതുകുളം കനകക്കുന്ന് മിത്രാ നികേതനിൽ ശ്രീജിയുടെ വീട്ടുമുറ്റത്ത് കിടന്ന കാറിന്റെ ചില്ലുകളാണ് കഴിഞ്ഞ ദിവസം രാത്രി തകർത്തത്.

രാവിലെ ആറുമണിയോടെ ഉറക്കമുണർന്നെണീറ്റപ്പോഴാണ് മുൻവശത്തെ ചില്ലുകൾ ഉടച്ച നിലയിൽ കാണുന്നത്. ചില്ലുകള്‍ ഉടക്കാനുപയോഗിച്ച വലിയ പാറക്കല്ല് കാറിന് സമീപത്ത് ഉപേക്ഷിച്ചാണ് അക്രമികൾ കടന്നത്. കനകക്കുന്ന് പൊലീസിൽ പരാതി നൽകി.