
ചേർത്തല: 45 ദിവസമായി ഒളിവിൽ കഴിഞ്ഞിരുന്ന പോക്സോ കേസ് പ്രതിയെ ചേർത്തല പൊലീസ് പിടികൂടി. നഗരസഭ 15-ാം വാർഡ് വള്ളപുരക്കൽ പ്രണവി (32) നെയാണ് ഊട്ടിക്ക് സമീപം കോത്തഗിരിയിൽ നിന്ന് പൊലീസ് പിടികൂടിയത്. കേസെടുത്തത് അറിഞ്ഞ് മുങ്ങിയ പ്രതിയുടെ അകന്ന ബന്ധുക്കളെ കേന്ദ്രീകരിച്ചു നടത്തിയ അന്വേഷണത്തിലാണ് ഇയാളെ കണ്ടെത്തി പിടികൂടിയത്.
എസ് ഐ, എ അനിൽകുമാറിന്റെ നേതൃത്വത്തിൽ സിവിൽ പൊലീസ് ഓഫീസർമാരായ സതീഷ്, അജയ്, മുരളീധരൻ, എം ശ്രീജിത്ത്, ധൻരാജ് ഡി പണിക്കർ എന്നിവരടങ്ങുന്ന സംഘമാണ് പ്രതിയെ പിടികൂടിയത്. കുമളിയിലും തിരുപ്പൂരിലുമടക്കം അന്വേഷണം നടത്തി ഒടുവിലാണ് കോത്തഗിരിയിലെത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam