
മലപ്പുറം: മുസ്ലിം ലീഗ് മലപ്പുറം ജില്ലാ പ്രസിഡണ്ട് അബ്ബാസ് അലി ശിഹാബ് തങ്ങളുടെ മകൻ സയ്യിദ് റാജിഹ് അലി ശിഹാബ് തങ്ങളുടെ വിവാഹ ചടങ്ങിൽ പങ്കെുക്കാൻ ഒരേ വേദിയിൽ ഒത്തുകൂടി രാഷ്ട്രീയ രംഗത്തെ പ്രമുഖർ. നാളെ നടക്കാനിരിക്കുന്ന വിവാഹ ചടങ്ങുകളോട് അനുബന്ധിച്ച് പാണക്കാട് അബ്ബാസ് അലി തങ്ങളുടെ വീട്ടിൽ വെച്ചാണ് നേതാക്കൾ സൗഹൃദം പങ്കിട്ടത്. വിവാഹ സദസ്സിൽ ഒന്നിച്ച് എത്തിയവരിൽ മുഖ്യമന്ത്രി വിഡി സതീശനും പ്രതിപക്ഷ നേതാവ് പിണറായി വിജയനും ഉൾപ്പെടുന്നു. ഇരുവരും ഒരുമിച്ചെത്തി പരസ്പരം സൗഹൃദം പങ്കിട്ട് വരന് ആശംസകൾ നേര്ന്നാണ് മടങ്ങിയത്.
ഇവരെ കൂടാതെ മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ, വ്യവസായ മന്ത്രി പികെ കുഞ്ഞാലിക്കുട്ടി തുടങ്ങി സാമൂഹിക രാഷ്ട്രീയ രംഗത്തെ നിരവധി പ്രമുഖരും നേതാക്കളും ഈ ചടങ്ങിൽ ഒപ്പമുണ്ടായിരുന്നു. പാണക്കാട് അബ്ബാസ് അലി തങ്ങളുടെ വസതിയിലാണ് മുഖ്യമന്ത്രിയും പ്രതിപക്ഷ നേതാവും അടക്കമുള്ള വിശിഷ്ട അതിഥികളെല്ലാം ഒരുമിച്ച് എത്തിയത്. നാളെയാണ് സയ്യിദ് റാജിഹ് അലി ശിഹാബ് തങ്ങളുടെ വിവാഹം നടക്കുക.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam