ലൈറ്റ് ഡിം ചെയ്യുന്നതിനെ ചൊല്ലി തർക്കം; ബസ് ഡ്രൈവർ ബസ് കാത്തിരുന്ന ആളെ ആക്രമിച്ചു

എറണാകുളം കളമശ്ശേരിയിൽ ലൈറ്റ് ഡിം ചെയ്യുന്നതിനെ ചൊല്ലിയുള്ള തർക്കത്തെ തുടർന്ന് ബസ് ഡ്രൈവർ ഒരാളെ ആക്രമിച്ചു. ബെംഗളൂരുവിലേക്ക് പോവുകയായിരുന്ന സൂര്യ കണക്ട് ബസിലെ ഡ്രൈവർ ലിവർ ഉപയോഗിച്ചാണ് ആക്രമിച്ചത്. 

കൊച്ചി : ലൈറ്റ് ഡിം ചെയ്യുന്നതിനെ ചൊല്ലിയുണ്ടായ വഴക്കിനിടെ എറണാകുളം കളമശ്ശേരിയിൽ ബസ് ഡ്രൈവർ ബസ് കാത്തു നിന്നയാളെ ആക്രമിച്ചു. ലൈറ്റ് ഡിം ചെയ്തതുമായി ബന്ധപ്പെട്ട തർക്കമാണ് ആക്രമണത്തിൽ കലാശിച്ചത്. ബെംഗ്ളൂരുവിലേക്ക് സർവീസ് നടത്തുന്ന സൂര്യ കണക്ട് എന്ന ബസിലെ ഡ്രൈവറാണ് ബൈക്ക് യാത്രക്കാരനെ ആക്രമിച്ചത്. ബസ് ഡ്രൈവർ ലിവർ എടുത്ത് ബൈക്ക് യാത്രക്കാരനെ അടിക്കുകയായിരുന്നു. സംഭവം കണ്ട നാട്ടുകാർ ബസ് തടഞ്ഞു. ഡ്രൈവറെ പുറത്തിറക്കണമെന്ന് ആവശ്യപ്പെട്ട് നാട്ടുകാർ ബസിനും ചുറ്റും കൂടി. കളമശ്ശേരി പൊലീസും സ്ഥലത്തെത്തി. ആദ്യം ബൈക്ക് യാത്രക്കാരനെയാണ് ഡ്രൈവർ ആക്രമിച്ചതെന്നായിരുന്നു പുറത്ത് വന്ന വിവരം. എന്നാൽ എഫ്ഐആറിലാണ് ആക്രമിച്ചത് ബസ് കാത്തിരുന്ന ആളെയാമെന്ന് രേഖപ്പെടുത്തിയത്.