നമ്പര് പ്ലേറ്റിൽ ഒരു തുണി കെട്ടിയിരിക്കുന്നു, പൊലീസിനെ കണ്ടപാടെ ഇറങ്ങി ഓട്ടം, അനധികൃതമായി മണല് കടത്തിയ ലോറി പിടികൂടി
Synopsis
കോഴിക്കോട് മാവൂരില് അനധികൃതമായി പുഴ മണല് കടത്തുകയായിരുന്ന ലോറി പോലീസ് പിടികൂടി. രഹസ്യ വിവരത്തെ തുടര്ന്ന് നടത്തിയ പരിശോധനയിലാണ് തെങ്ങിലക്കടവില് വെച്ച് ലോറി പിടികൂടിയത്. പോലീസിനെ കണ്ടതോടെ ലോറിയിലുണ്ടായിരുന്നവര് ഓടി രക്ഷപ്പെട്ടു.
കോഴിക്കോട്: അനധികൃത മണല് കടത്ത് നടത്തിയ ലോറി മണല് സഹിതം പൊലീസ് പിടികൂടി. കോഴിക്കോട് മാവൂര് പോലീസ് സ്റ്റേഷന് പരിധിയിലാണ് സംഭവം. സ്റ്റേഷന് പരിധിയില് അനധികൃതമായി പുഴ മണല് വാരുന്നുണ്ടെന്ന് മാവൂര് പൊലീസ് സ്റ്റേഷന് ഇന്സ്പെക്ടര് മുഹമ്മദ് റഫീഖിന് ലഭിച്ച രഹസ്യ വിവരത്തിന്റെ അടിസ്ഥാനത്തില് പരിശോധന നടത്തുകയായിരുന്നു.
മലപ്പുറം പെരിങ്ങാവ് സ്വദേശി അഭിനവിന്റെ ഉടമസ്ഥതയിലുള്ള സബ്ന സഫീര് എന്ന ലോറിയാണ് പിടികൂടിയത്. മണല് കയറ്റിയ ടിപ്പര് ലോറി തെങ്ങിലക്കടവ് നയാര പമ്പിന് സമീപം വെച്ച് നൈറ്റ് പട്രോളിങ് ഡ്യൂട്ടിയില് ഉണ്ടായിരുന്ന പൊലീസുകാരാണ് പിടികൂടിയത്. പോലീസിനെ കണ്ടപാടെ ലോറിയില് ഉണ്ടായിരുന്നവര് ഓടി രക്ഷപ്പെട്ടു. മാവൂര് പോലീസ് സ്റ്റേഷന് അസിസ്റ്റന്റ് സബ് ഇന്സ്പെക്ടര് സുബൈദ, സിവില് പോലീസ് ഓഫീസര് വിനീത്, ഹോം ഗാര്ഡ് വേലായുധന് എന്നിവര് ചേര്ന്ന സംഘമാണ് ലോറി കസ്റ്റഡിയില് എടുത്തത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam