പുഴയിലേക്ക് ചാഞ്ഞ തെങ്ങിൽ കയറി, ചാടാൻ ശ്രമിച്ചു; തെങ്ങ് മുറിഞ്ഞ് വീണ് 4 യുവാക്കൾക്ക് അപകടം; വീഡിയോ
Synopsis
മലപ്പുറം ജില്ലയിലെ കാളികാവ് ഉദരംപൊയില് കെട്ടുങ്ങല് ചിറയില് വിനോദസഞ്ചാരത്തിനെത്തിയവര് തെങ്ങ് പൊട്ടി വീണ് അപകടത്തില് പെട്ടു.
മലപ്പുറം: മലപ്പുറം ജില്ലയിലെ കാളികാവ് ഉദരംപൊയില് കെട്ടുങ്ങല് ചിറയില് വിനോദസഞ്ചാരത്തിനെത്തിയവര് തെങ്ങ് പൊട്ടി വീണ് അപകടത്തില് പെട്ടു. വലിയ തെങ്ങിന് മുകളില് കയറി വെള്ളത്തിലേക്ക് ചാടാനുള്ള സാഹസിക ശ്രമത്തിനിടെ വൈകിട്ട് മൂന്ന് മണിയോടെയാണ് സംഭവം. പുഴയിലേക്ക് ചാഞ്ഞ് നില്ക്കുന്ന തെങ്ങിന്റെ മുകളില് കയറിയ നാല് പേരടങ്ങുന്ന യുവാക്കളാണ് തെങ്ങ് മുറിഞ്ഞ് പുഴയിലേക്ക് വീണത്. കരുളായി സ്വദേശികളായ യുവാക്കളാണ് അപടത്തില് പെട്ടത്. പുഴയില് വെള്ളം കൂടുതലായിരുന്നെങ്കിലും ഭാഗ്യവശാല് ആര്ക്കും പരിക്കുകളൊന്നും സംഭവിച്ചിട്ടില്ല. യുവാക്കളെ കാളികാവിലെ സ്വകാര്യ ആശുപത്രിയിലെത്തിച്ച് പ്രഥമശുശ്രൂഷ നല്കി വിട്ടയച്ചു. സാമൂഹിക മാധ്യമങ്ങളിലൂടെ വൈറലായ പ്രദേശമാണിവിടം. തെങ്ങില് കയറി പുഴയിലേക്ക് ചാടി കുളിക്കാന് നിരവധി യുവാക്കളാണ് ഇവിടെ എത്താറ്.
കനത്ത മഴയില് വീടിന് മുകളിലേക്ക് മരം വീണു; പിഞ്ചു കുഞ്ഞും അമ്മയും രക്ഷപ്പെട്ടത് അത്ഭുതകരമായി
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam