ഒമ്നി വാനിലെത്തിയ സംഘം അടൂരിൽ 10 വയസുകാരനെ തട്ടിക്കൊണ്ടുപോകാൻ ശ്രമിച്ചതായി പരാതി

കാറിൽ ഉണ്ടായിരുന്നത് ആറോളം പേരെന്ന് കുട്ടി പറഞ്ഞു. മുഖത്ത് എന്തോ ലായനി പുരട്ടാനും ശ്രമിച്ചുവെന്നും കുട്ടി വ്യക്തമാക്കി.

പത്തനംതിട്ട: അടൂർ പന്നിവിഴയിൽ 10 വയസുകാരനെ തട്ടിക്കൊണ്ടുപോകാൻ ശ്രമിച്ചതായി പരാതി. സെപ്റ്റംബർ 30 ന് വൈകീട്ടാണ് സംഭവം. പൊലീസ് കേസ് എടുത്തു. ഒമ്നി കാറിൽ തട്ടിക്കൊണ്ടു പോകാനാണ് ശ്രമിച്ചത്. കുട്ടി ബഹളം വെച്ചപ്പോൾ ഇറക്കിവിട്ടു. കാറിൽ എത്തിയ ആറംഗ സംഘം തട്ടിക്കൊണ്ടു പോകാൻ ശ്രമിച്ചു എന്നാണ് പരാതി. വിജനമായ സ്ഥലത്ത് ഉപേക്ഷിക്കുകയായിരുന്നു. കുട്ടിയെ പരിഭ്രാന്തനായി കണ്ടെത്തിയ നാട്ടുകാരാണ് വീട്ടുകാരെയും പൊലീസിനെയും അറിയിച്ചത്. അടൂർ പൊലീസ് കേസെടുത്ത് അന്വേഷണം ആരംഭിച്ചു. കാറിൽ ഉണ്ടായിരുന്നത് ആറോളം പേരെന്ന് കുട്ടി പറഞ്ഞു. മുഖത്ത് എന്തോ ലായനി പുരട്ടാനും ശ്രമിച്ചുവെന്നും കുട്ടി വ്യക്തമാക്കി.