പതിനേഴുകാരിയെ പിന്തുടർന്ന് ശല്യം ചെയ്തെന്ന് പരാതി; യുവാവിനെ നാട്ടുകാര് പിടികൂടി പൊലീസില് ഏല്പ്പിച്ചു
Synopsis
കാരശ്ശേരി സ്വദേശിനിയായ വിദ്യാര്ത്ഥിനിയെ ഇയാള് പിന്തുടരുകയും ഫോണില് വിളിച്ച് ശല്യപ്പെടുത്തുകയും വീടിന്റെ പരിസരത്ത് കറങ്ങുകയും ചെയ്തതായാണ് നാട്ടുകാര് പറയുന്നത്.
കോഴിക്കോട്: പതിനേഴുകാരിയായ വിദ്യാര്ത്ഥിനിയെ പിന്തുടര്ന്ന് ശല്യം ചെയ്ത യുവാവിനെ നാട്ടുകാര് പിടികൂടി പൊലീസില് ഏല്പിച്ചു. കോഴിക്കോട് കൊടിയത്തൂര് പഞ്ചായത്തിലെ സൗത്ത് പന്നിക്കോട് സ്വദേശി ആബിദിനെ (35) ആണ് പിടികൂടിയത്. ഇയാളെ പിന്നീട് മുക്കം പൊലീസിന് കൈമാറി.
കഴിഞ്ഞ ദിവസമാണ് സംഭവമുണ്ടായത്. കാരശ്ശേരി സ്വദേശിനിയായ വിദ്യാര്ത്ഥിനിയെ ഇയാള് പിന്തുടരുകയും മൊബൈല് ഫോണില് വിളിച്ച് ശല്യപ്പെടുത്തുകയും വീടിന്റെ പരിസരത്ത് കറങ്ങുകയും ചെയ്തതായാണ് നാട്ടുകാര് പറയുന്നത്. സ്കൂള് വിദ്യാര്ത്ഥികളെ ഇയാള് നിരന്തരം ശല്യപ്പെടുത്തിയിരുന്നതായും ആരോപണമുണ്ട്. പോക്സോ വകുപ്പ് ചുമത്തി കേസ് രജിസ്റ്റര് ചെയ്ത പൊലീസ് ആബിദിനെ കോടതിയില് ഹാജരാക്കുകയും തുടര്ന്ന് റിമാന്റ് ചെയ്യുകയും ചെയ്തു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam