കേരള അതിർത്തി ചെക്ക് പോസ്റ്റുകളില് കൊവിഡ് ബോധവത്കരണവുമായി കര്ണാടക
Synopsis
മറ്റ് അസുഖങ്ങള് ഉള്ളവരും ഗര്ഭിണികളും പൊതുസ്ഥലങ്ങളില് മാസ്ക് ധരിക്കണമെന്ന് അറിയിപ്പുണ്ട്.
കാസര്കോട്: കേരള - കര്ണാടക അതിർത്തി ചെക്ക് പോസ്റ്റുകളില് കൊവിഡ് ബോധവത്കരണവുമായി കര്ണാടക. ദക്ഷിണ കര്ണാടകത്തില് അഞ്ച് ഇടങ്ങളില് ചെക്ക് പോസ്റ്റുകള് സ്ഥാപിച്ച് ബോധവത്കരണം തുടങ്ങി. മറ്റ് അസുഖങ്ങള് ഉള്ളവരും ഗര്ഭിണികളും പൊതുസ്ഥലങ്ങളില് മാസ്ക് ധരിക്കണമെന്ന് അറിയിപ്പുണ്ട്.
സംസ്ഥാനവുമായി അതിര്ത്തി പങ്കിടുന്ന ഇടങ്ങളിലാണ് കര്ണാടകയുടെ കൊവിഡ് ബോധവത്കരണം. ദക്ഷിണ കന്നഡ ജില്ലയിലെ തലപ്പാടി, സാറഡുക്ക, സ്വര്ഗ, സുള്ള്യപ്പദവ്, ജാല്സൂര് എന്നിവിടങ്ങളിലാണിത്. കേരളത്തില് കൊവിഡ് ഉയര്ന്ന സാഹചര്യത്തിലാണ് കര്ണാടകയുടെ നടപടി. ചെക് പോസ്റ്റുകള് സ്ഥാപിച്ചിട്ടുണ്ടെങ്കിലും ബോധവത്കരണം മാത്രമാണ് ഈ കേന്ദ്രങ്ങളില് നടക്കുന്നത്. ഇതിനായി പ്രത്യേക ഉദ്യോഗസ്ഥരേയും നിയമിച്ചിട്ടുണ്ട്.
കേരളത്തില് നിന്ന് വരുന്ന വിദ്യാര്ത്ഥികളില് രോഗലക്ഷണങ്ങള് കണ്ടാല് ഉടന് പരിശോധന നടത്താന് കര്ണാടകയിലെ വിദ്യാഭ്യാസ സ്ഥാപനങ്ങള്ക്ക് അധികൃതര് മുന്നറിയിപ്പ് നല്കിയിട്ടുമുണ്ട്. ഇതിനിടയില് കര്ണാടകയില് കൊവിഡ് വകഭേദമായ ജെഎന്-1 റിപ്പോര്ട്ട് ചെയ്തു. ഉഡുപ്പി സ്വദേശിയായ 82 വയസുകാരനാണ് ചികിത്സയില് ഉള്ളത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam