തെരെഞ്ഞടുപ്പിന് ശേഷം കൊവിഡ് ബാധിതയായി കായംകുളം എൽമെക്സ് ആശുപത്രിയിൽ കഴിയുകയായിരുന്നു ലീലാ ഗോകുൽ
ആലപ്പുഴ: പത്തിയൂർ ഗ്രാമ പഞ്ചായത്തിൽ കൊവിഡ് രോഗി സത്യപ്രതിജ്ഞ ചെയ്തു അധികാരത്തിൽ ഏറി. ഗ്രാമ പഞ്ചായത്തിലെ 3-ാം വാർഡിൽ നിന്നു മത്സരിച്ചു വിജയിച്ച എൽഡിഎഫ് സ്ഥാനാർത്ഥി ലീല ഗോകുൽ ആണ് സത്യപ്രതിജ്ഞക്കു പിപിഇ കിറ്റ് ധരിച്ചു എത്തിയത്.
തെരെഞ്ഞടുപ്പിന് ശേഷം കൊവിഡ് ബാധിതയായി കായംകുളം എൽമെക്സ് ആശുപത്രിയിൽ കഴിയുകയായിരുന്നു ലീലാ ഗോകുൽ. കൊവിഡ് മാനദണ്ഡം പാലിച്ച് ഏറ്റവും അവസാനമാണ് ലീല സത്യവാചകം ചൊല്ലിയത്. കഴിഞ്ഞ പഞ്ചായത്ത് ഭരണ സമിതിയിൽ മൂന്നാം വാർഡിലെ പ്രതിനിധാനം ചെയ്തു പഞ്ചായത്ത് വൈസ് പ്രസിഡന്റ് ആയി പ്രവർത്തിച്ചിരുന്നു. ഈ പ്രാവിശ്യം ആ വാർഡിൽ നിന്നുതന്നെ വിജയിച്ച അംഗമാണ്.