ഓവര്‍ടേക്ക് ചെയ്യാനുള്ള ശ്രമം ഓവറായി; നടുറോഡില്‍ പൊല്ലാപ്പിലായി കാറും ക്രെയിനും

തിരുവല്ലയിൽനിന്ന് വരികയായിരുന്ന കാർ ക്രെയിൻ വാഹനത്തെ ഓവർടൈക്ക് ചെയ്യുന്നതിനിടെ കുടുങ്ങുകയായിരുന്നുവെന്ന് ദൃക്സാക്ഷികൾ

മാന്നാർ: റോഡിലൂടെ സഞ്ചരിച്ച കൂറ്റൻ ക്രെയിൻ വാഹനത്തിൽ കാർ കുടുങ്ങി ഗതാഗതം സ്‌തംഭിച്ചു. മാവേലിക്കര -മാന്നാർ സംസ്ഥാന പാതയിൽ മാന്നാർ ടൗണിലൂടെ സഞ്ചരിച്ച കൂറ്റൻ ക്രെയിനിലാണ് കാർ കുടുങ്ങിയത്. 

തിരുവല്ലയിൽനിന്ന് വരികയായിരുന്ന കാർ ക്രെയിൻ വാഹനത്തെ ഓവർടേക്ക് ചെയ്യുന്നതിനിടെ കുടുങ്ങുകയായിരുന്നുവെന്ന് ദൃക്സാക്ഷികൾ പറഞ്ഞു. നാട്ടുകാരും വ്യാപാരികളും ഏറെ പരിശ്രമിച്ചതിനാലാണ് കാർ വീണ്ടെടുക്കാനായത്. കാറിൻറെ പുറകുവശത്തെ ഡോർ പൂർണമായി തകർന്നു.