ഹരിപ്പാട് നിർത്തിയിട്ട ടാങ്കർ ലോറിയിൽ നിന്ന് ഡീസൽ മോഷണംപോയി

 ടാങ്കർ ലോറിയിൽ നിന്നും ഡീസൽ മോഷണംപോയി ദേശീയപാതയിൽ കരുവാറ്റാ ആശ്രമം ജങ്ഷന് സമീപം കഴിഞ്ഞ ദിവസം രാത്രിയിൽ പാർക്ക് ചെയ്തിരുന്ന ബുള്ളറ്റ് ടാങ്കറിൽ നിന്നാണ് 320ലിറ്റർ ഡീസൽ മോഷണം പോയത്. 

ഹരിപ്പാട്: ടാങ്കർ ലോറിയിൽ നിന്നും ഡീസൽ മോഷണംപോയി ദേശീയപാതയിൽ കരുവാറ്റാ ആശ്രമം ജങ്ഷന് സമീപം കഴിഞ്ഞ ദിവസം രാത്രിയിൽ പാർക്ക് ചെയ്തിരുന്ന ബുള്ളറ്റ് ടാങ്കറിൽ നിന്നാണ് 320ലിറ്റർ ഡീസൽ മോഷണം പോയത്. 

തെങ്കാശിയിൽ നിന്നും ഗ്യാസ് ലോഡ് എടുക്കാനായി മംഗലാപുരത്തേക്ക് പോയ ലോറി ആയിരുന്നു. പുലർച്ചെ നാലുമണിയോടെ ഡ്രൈവർ വാഹനം സ്റ്റാർട്ട് ചെയ്യാൻ ശ്രമിച്ചപ്പോൾ ഇന്ധനം കുറവാണ് എന്നുള്ള സിഗ്നൽ കാണിച്ചു. തുടർന്ന് നടത്തിയ പരിശോധനയിലാണ് ഇന്ധന ടാങ്കിന്റെ ലോക്ക് കുത്തിത്തുറന്ന് മോഷണം നടത്തിയിരിക്കുന്നത് ശ്രദ്ധയിൽപ്പെട്ടത്. 

ഹരിപ്പാട് പോലീസ് സ്ഥലത്തെത്തി പരിശോധന നടത്തി. ലോറി നിർത്തിയിട്ടിരുന്നതിന് സമീപമുള്ള സ്കൂളിന്റെ കോമ്പൗണ്ടിലേക്ക് ആണ് മോഷ്ടിച്ച ഇന്ധനം ആദ്യം മാറ്റിയതെന്ന് കരുതുന്നു. തുടർന്ന് വാഹനത്തിൽ സ്കൂളിന്റെ ഗേറ്റ് വഴി അകത്തെത്തി ഇന്ധനം കടത്തിക്കൊണ്ടു പോവുകയായിരുന്നു. 

സമീപത്തുതന്നെ ഉണ്ടായിരുന്ന മറ്റൊരു ലോറിയിലെ ഡ്രൈവറുടെ മൊബൈൽ ഫോൺ പുലർച്ചെ ബൈക്കിലെത്തിയ രണ്ടംഗ സംഘം ഭീഷണിപ്പെടുത്തി വാങ്ങിയ സംഭവവും ഉണ്ടായി. ഈ മേഖലയിൽ ഇന്ധന-സ്റ്റെപ്പിനി ടയർ മോഷണം തുടങ്ങി സമാനമായ സംഭവങ്ങൾ നേരത്തെയും നടന്നിട്ടുണ്ടെന്ന് നാട്ടുകാർ പറഞ്ഞു.