ദേശീയപാതയിൽ വെച്ച് നായ കുറുകെ ചാടി, തെറിച്ചു വീണ ബൈക്ക് യാത്രക്കാരനെ ജീപ്പിടിച്ചു, ഗുരുതര പരിക്ക്

തൃശൂര്‍ നടത്തറയിൽ ദേശീയപാതയിൽ വെച്ച് നായ കുറുകെ ചാടിയതിനെതുടര്‍ന്ന് ബൈക്കിൽ നിന്ന് വീണ യുവാവിന് പരിക്ക്. ബൈക്കിൽ നിന്ന് തെറിച്ചുവീണ യുവാവിനെ ജീപ്പിടിക്കുകയായിരുന്നു

തൃശൂര്‍: തൃശൂരിൽ തെരുവുനായ കുറുകെ ചാടിയതിനെതുടര്‍ന്ന് ബൈക്കിൽ നിന്ന് തെറിച്ചുവീണ യുവാവിന് ജീപ്പിടിച്ച് ഗുരുതര പരിക്ക്. പാലക്കാട് കോട്ടായി സ്വദേശി ഹരിക്കാണ് (25) പരിക്കേറ്റത്. തൃശൂര്‍ നടത്തറ ദേശീയപാതയില്‍ വെച്ചാണ് അപകടമുണ്ടായത്. യുവാവ് ബൈക്കിൽ പോകുന്നതിനിടെ പെട്ടെന്ന് നായ കുറുകെ ചാടുകയായിരുന്നു. ഇതോടെ ബൈക്കിൽ നിന്ന് യുവാവ് തെറിച്ചുവീണു. തെറിച്ചുവീണ യുവാവിനെ റോഡിലൂടെ പോവുകയായിരുന്ന ജീപ്പിടിക്കുകയായിരുന്നു. ഇടതുകാലിന് ഗുരുതരമായി പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചു. നടത്തറ ദേശീയപാതയിൽ നായ കുറുകെ ചാടിയതിന് തുടർന്ന് തെറിച്ചു വീണ ബൈക്ക് യാത്രക്കാരനെയാണ് ജീപ്പിടിച്ചത്