എട്ടു വയസ്സുകാരി നേരിട്ടത് ക്രൂരപീഡനം, പുറത്തറിഞ്ഞത് സ്കൂൾ അധികൃതർ വഴി; യുവാവ് അറസ്റ്റില്
Published : Jun 22, 2024, 02:17 AM IST
Synopsis
സ്കൂളില് എത്തിയ പെണ്കുട്ടിക്ക് അസ്വസ്ഥത അനുഭവപ്പെട്ടതിനെ തുടര്ന്ന് സ്കൂള് അധികൃതര് ബാലുശ്ശേരി പോലീസില് വിവരം അറിയിക്കുകയായിരുന്നു
കോഴിക്കോട്: എട്ടുവയസ്സുകാരിയായ പെണ്കുട്ടിയെ ലൈംഗിക പീഡനത്തിനിരയാക്കിയ യുവാവ് പിടിയില്. കോഴിക്കോട് ബാലുശ്ശേരി പനങ്ങാട് അങ്കത്താംവീട്ടില് വി.സി ഷൈജു (47) ആണ് അറസ്റ്റിലായത്.
ഒരാഴ്ച മുന്പാണ് പെണ്കുട്ടി ക്രൂരമായ പീഡനത്തിന് ഇരയായത്. സ്കൂളില് എത്തിയ പെണ്കുട്ടിക്ക് അസ്വസ്ഥത അനുഭവപ്പെട്ടതിനെ തുടര്ന്ന് സ്കൂള് അധികൃതര് ബാലുശ്ശേരി പോലീസില് വിവരം അറിയിക്കുകയായിരുന്നു. തുടര്ന്ന് പോലീസ് കുട്ടിയുടെ മൊഴി രേഖപ്പെടുത്തിയ ശേഷം ഷൈജുവിനെ അറസ്റ്റ് ചെയ്യുകയായിരുന്നു. ഇയാളെ കോടതി റിമാന്റ് ചെയ്തു.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം