ഇടിച്ചത് തിരുവനന്തപുരത്തേക്ക് പോയ ഏറനാട് എക്സ്പ്രസ്; ജോലി ആവശ്യത്തിനായി പോയ വയോധികൻ മരിച്ചു
Synopsis
കോഴിക്കോട് കൊയിലാണ്ടിയിൽ ട്രെയിൻ തട്ടി വയോധികൻ മരിച്ചു
കോഴിക്കോട്: കൊയിലാണ്ടി ആനക്കുളത്ത് വയോധികന് ട്രെയിന്തട്ടി മരിച്ചു. കൊയിലാണ്ടി വിയ്യൂര് സ്വദേശി അരീക്കല്താഴെ ശോഭികയില് കുഞ്ഞിരാമന്(67) ആണ് മരിച്ചത്. കഴിഞ്ഞ ദിവസം രാവിലെ 10.50 ഓടെയായിരുന്നു അപകടം. ആനക്കുളത്ത് ജോലി ആവശ്യത്തിനായി പോയതായിരുന്നു കുഞ്ഞിരാമന്. ആനക്കുളം റെയില്വേ ലെവല് ക്രോസിന് സമീപത്തെ റെയില്പാത മുറിച്ചു കടക്കുന്നതിനിടെ ട്രെയിന് ഇടിക്കുകയായിരുന്നു. തിരുവനന്തപുരത്തേക്ക് പോകുകയായിരുന്ന ഏറനാട് എക്സ്പ്രസാണ് തട്ടിയത്. മൃതദേഹം കോഴിക്കോട് മെഡിക്കല് കോളേജില് പോസ്റ്റ്മാര്ട്ടം നടപടികള്ക്ക് ശേഷം ബന്ധുക്കള്ക്ക് വിട്ടുനല്കി. ഭാര്യ: ശോഭന. മക്കള്: ബിന്ദു, നവിത. മരുമക്കള്: അനീഷ്, വിനീഷ്. സഹോദരങ്ങള്: രാജന്, ശിവന്, ഗീത.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam