നിര്മാണത്തിലിരിക്കുന്ന കിണര് കാണാന് പോയ പ്രവാസി വീണ് മരിച്ചു
Synopsis
വീടിന്റെ പിറകില് പുതുതായി വാങ്ങിയ സ്ഥലത്ത് കിണറിന്റെ ജോലി നടക്കുന്നത് കാണാന് സഹോദരനോടൊപ്പം പോയതായിരുന്നു. കാല് വഴുതിവീണ് വലിയ ആഴമുള്ള കിണറില് വീഴുകയായിരുന്നു.
കോഴിക്കോട്: പ്രവാസി കാല് വഴുതി കിണറ്റില് വീണ് മരിച്ചു. പൂനൂര് കോളിക്കല് അബൂബക്കര് സിദ്ധിഖാണ് (58) കാല് വഴുതി കിണറ്റില് വീണ് മരിച്ചത്. വീടിന്റെ പിറകില് പുതുതായി വാങ്ങിയ സ്ഥലത്ത് കിണറിന്റെ ജോലി നടക്കുന്നത് കാണാന് സഹോദരനോടൊപ്പം പോയതായിരുന്നു. കാല് വഴുതിവീണ് വലിയ ആഴമുള്ള കിണറില് വീഴുകയായിരുന്നു. ഫയര്ഫോഴസ് എത്തിയാണ് മൃതദേഹം പുറത്തെടുത്തത്.
മൃതദേഹം കോഴിക്കോട് മെഡിക്കല് കോളേജ് മോര്ച്ചറിയിലേക്ക് മാറ്റി. പൂനൂര് ഹെല്ത്ത് കെയര് ഫൗണ്ടേഷന് റിയാദ് ചാപ്റ്റര് പ്രസിഡന്റായ ഇദ്ദേഹം റിയാദ് പ്ലീസ് ഇന്ത്യാ പ്രസിഡന്റ് സ്ഥാനവും വഹിച്ചിരുന്നു. കോളിക്കല് പരേതനായ അഹമ്മദ് കുട്ടി യുടെ മകന് തട്ടഞ്ചേരി അബൂബക്കര് സിദ്ദീഖ്. മാതാവ്: ഖദീജ. ഭാര്യ: ലരീമ. മക്കള്: നൂറ സിദ്ദിഖ്, ഫൗറ സിദ്ദിഖ്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam