പെട്രോളടിച്ചിട്ട് നോസിൽ ഊരുന്നതിന് മുമ്പ് ശ്രദ്ധിക്കാതെ കാർ മുന്നോട്ടെടുത്തു; പമ്പ് ജീവനക്കാരന് ഗുരുതര പരിക്ക്

Published : May 23, 2025, 08:41 PM IST
പെട്രോളടിച്ചിട്ട് നോസിൽ ഊരുന്നതിന് മുമ്പ് ശ്രദ്ധിക്കാതെ കാർ മുന്നോട്ടെടുത്തു; പമ്പ് ജീവനക്കാരന് ഗുരുതര പരിക്ക്

Synopsis

തലയടിച്ച് നിലത്തു വീണ പമ്പ് ജീവനക്കാരനെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. 

തൃശ്ശൂർ: പെട്രോൾ പമ്പിൽ ഇന്ധനം നിറക്കുന്നതിനിടെ മുന്നോട്ടെടുത്ത കാറിന്റെ ഇന്ധന ടാങ്കിൽ വെച്ചിരുന്ന നോസിൽ തലയിൽ വന്നിടിച്ച് ജീവനക്കാരന് ഗുരുതര പരിക്ക്. തൃശ്ശൂർ പുതുക്കാടാണ് സംഭവം. ചെങ്ങാലൂർ മുള്ളക്കര വീട്ടിൽ ദേവസിക്കാണ് (75) പരിക്കേറ്റത്. തലയ്ക്ക് ഗുരുതരമായി പരിക്കേറ്റ ദേവസി തൃശൂരിലെ സ്വകാര്യ ആശുപത്രിയിൽ ചികിത്സയിലാണ്. 

വെള്ളിയാഴ്ച രാവിലെ പുതുക്കാട് പുളിക്കൻ ഫ്യൂവലിലാണ്  സംഭവം. കാറിൽ പെട്രോൾ നിറക്കുന്നതിനിടെ ദേവസി കാർ ഡ്രൈവറിൽ നിന്ന് പണം വാങ്ങുകയായിരുന്നു. ഈ സമയത്ത് ടാങ്കിൽ ഘടിപ്പിച്ചിരുന്ന നോസിൽ എടുത്തിരുന്നില്ല. ഇത് ശ്രദ്ധിക്കാതെ ഡ്രൈവർ കാർ മുന്നോട്ട് എടുക്കുകയായിരുന്നു. കാർ നീങ്ങുന്നത് കണ്ട് നോസിൽ എടുക്കാൻ ഓടിവന്ന ദേവസിയുടെ കഴുത്ത് ഇന്ധനം നിറയ്ക്കുന്ന ഹോസിൽ കുരുങ്ങുകയും കാറിൽ നിന്ന് വിട്ടുപോയ നോസിൽ ദേവസിയുടെ തലയിൽ വന്നടിക്കുകയുമായിരുന്നു.

തലയിടിച്ച് നിലത്ത് വീണ നിശ്ചലയായി കിടന്ന ഇയാളെ പമ്പിലെ മറ്റ് ജീവനക്കാരാണ് ആശുപത്രിയിൽ എത്തിച്ചത്. കാർ ഡ്രൈവറുടെ അശ്രദ്ധയാണ് അപകടത്തിന് കാരണമെന്ന് പറയുന്നു. അപകട ദൃശ്യങ്ങൾ പമ്പിലെ നിരീക്ഷണ ക്യാമറയിൽ പതിഞ്ഞു.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

കൊച്ചിൻ കാർണിവൽ; ജാഗ്രതയോടെ കൊച്ചി, കൂടുതൽ പൊലീസുകാരെ വിന്യസിക്കും
'വീട്ടിൽ ഒറ്റയ്ക്കാണ്, വരാമോ, പെൺകുട്ടിയുടെ ഐഡിയിൽ നിന്ന് മെസേജ്!' സ്ഥലത്ത് എത്തിപ്പോൾ കണ്ടത് യുവാക്കളെ, തല്ലി അവശനാക്കി പണം തട്ടി