അഞ്ചുവയസ്സുകാരന് ഡ്രൈവിംഗ് പരിശീലനം; രക്ഷിതാവിന്റെ ലൈസന്സ് റദ്ദാക്കി
Synopsis
ചെറിയ കുട്ടിയെ മോട്ടോര് സൈക്കിള് ഹാന്ഡില് നിയന്ത്രിക്കാന് പഠിപ്പിക്കുന്നത് മറ്റൊരാള് മൊബൈല് ഫോണില് പകര്ത്തുകയായിരുന്നു.
പെരിന്തല്മണ്ണ: അഞ്ചുവയസ്സുകാരന് മോട്ടോര്സൈക്കിള് ഡ്രൈവിംഗ് പരിശീലനം നടത്തിയ രക്ഷിതാവിന്റെ ലൈസന്സ് സസ്പെന്ഡ് ചെയ്തു. കഴിഞ്ഞ ദിവസം രാവിലെ മണ്ണാര്ക്കാട് നിന്നും പെരിന്തല്മണ്ണയിലേക്കുള്ള നാഷനല് ഹൈവേയില് കാപ്പ് എന്ന സ്ഥലത്തുനിന്നും ചേലക്കാട് എന്ന സ്ഥലത്തേക്കാണ് യാത്ര ചെയ്തത്. ചെറിയ കുട്ടിയെ മോട്ടോര് സൈക്കിള് ഹാന്ഡില് നിയന്ത്രിക്കാന് പഠിപ്പിക്കുന്നത് മറ്റൊരാള് മൊബൈല് ഫോണില് പകര്ത്തുകയായിരുന്നു. വീഡിയോ ദൃശ്യം പെരിന്തല്മണ്ണ മോട്ടോര് വെഹിക്കിള് ഇന്സ്പെക്ടര് ബിനോയ് വര്ഗീസിന് അയച്ചു. തുടര്ന്ന് നടത്തിയ അന്വേഷണത്തിലാണ് സംഭവം വ്യക്തമായത്. വാഹനം ഓടിച്ചിരുന്നത് തേലക്കാട് സ്വദേശി അബ്ദുല് മജീദായിരുന്നുവെന്നും ബോധ്യപ്പെട്ടു. തുടര്ന്നാണ് ഇയാളുടെ ഡ്രൈവിംഗ് ലൈസന്സ് ഒരുവര്ഷത്തേക്ക് സസ്പെന്ഡ് ചെയ്തതത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam