ചോരക്കുഞ്ഞിനെ വഴിയിലുപേക്ഷിച്ച നിലയില് കണ്ടെത്തി; യുവാവിന്റെ ഫേസ്ബുക്ക് പോസ്റ്റ് വൈറല്
Synopsis
ഇന്നലെ രാത്രി ശാസ്താംകോട്ട ജംഗ്ഷന് സമീപത്ത് നിന്നും ഒരു ചോരക്കുഞ്ഞിനെ കണ്ടെത്തിയെന്ന യുവാവിന്റെ ഫേസ് ബുക്ക് പോസ്റ്റ് വൈറല്. രാത്രി 11 മണിയോട് കൂടിയാണ് സംഭവം.
ശാസ്താംകോട്ട: ഇന്നലെ രാത്രി ശാസ്താംകോട്ട ജംഗ്ഷന് സമീപത്ത് നിന്നും ഒരു ചോരക്കുഞ്ഞിനെ കണ്ടെത്തിയെന്ന യുവാവിന്റെ ഫേസ് ബുക്ക് പോസ്റ്റ് വൈറല്. രാത്രി 11 മണിയോട് കൂടിയാണ് സംഭവം. ശാസ്താംകോട്ട ജംഗ്ഷനില് മെഡിക്കല് സ്റ്റോര് നടത്തുന്ന രതീഷ് കൃഷ്ണനാണ് ചോര കുഞ്ഞിനെ വഴിയില് ഉപേക്ഷിച്ച നിലയില് കണ്ടെത്തിയത്.
രതീഷും അനിയനും കൂടി രാത്രി കട അടച്ച് വീട്ടിലേക്ക് വരുമ്പോഴാണ് ശാസ്താംകോട്ട ജംഗ്ഷനില് നിന്ന് ഒരു കുഞ്ഞിന്റെ കരച്ചില് കേട്ടത്. ഇരുവരും ശബ്ദകേട്ട സ്ഥലത്തെത്തിയപ്പോള് ഒരു കൂട്ടം തെരുവ് നായിക്കളാല് ചുറ്റപ്പെട്ട നിലയിലായിരുന്നു കുട്ടി കിടന്നിരുന്നത്. കുട്ടിയേ അവിടെ നിന്ന് രക്ഷിച്ച രതീഷ് ഉടനെതന്നെ പൊലീസിനെ വിളിച്ച്, കുട്ടിയേ ആശുപത്രിയിലെത്തിച്ചു. അവിടെനിന്ന് പ്രഥമശുശ്രൂഷകള് നല്കിയ ശേഷം കുട്ടിയെ കൊല്ലം അമ്മത്തൊട്ടിലിലേയ്ക്ക് മാറ്റി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam