പെണ്കുട്ടിക്ക് നേരേ ലൈംഗികാതിക്രമം; ബന്ധുവായ യുവാവ് അറസ്റ്റില്
Synopsis
കുന്നംകുളം സ്റ്റേഷന് പരിധിയില്പ്പെട്ട ഗ്രാമപ്രദേശത്തെ വീട്ടിലെത്തിയ യുവാവ് അര്ധരാത്രിയാണ് പെണ്കുട്ടിക്ക് നേരേ ലൈംഗികാതിക്രമം നടത്തിയത്.
തൃശൂർ : പ്രായപൂര്ത്തിയാകാത്ത പെണ്കുട്ടിക്ക് നേരേ ലൈംഗികാതിക്രമം നടത്തിയ ബന്ധുവായ യുവാവിനെ കുന്നംകുളം പൊലീസ് അറസ്റ്റ് ചെയ്തു. കണ്ണൂര് പടിയൂര് നരന്റെവിട വീട്ടില് ഫാജിസി (41)നെയാണ് കുന്നംകുളം സ്റ്റേഷന് ഹൗസ് ഓഫീസര് യു കെ ഷാജഹാന്റെ നേതൃത്വത്തിലുള്ള പൊലീസ് സംഘം പിടികൂടിയത്. കഴിഞ്ഞ മാര്ച്ച് 31നായിരുന്നു കേസിനാസ്പദമായ സംഭവം.
കുന്നംകുളം സ്റ്റേഷന് പരിധിയില്പ്പെട്ട ഗ്രാമപ്രദേശത്തെ വീട്ടിലെത്തിയ യുവാവ് അര്ധരാത്രിയാണ് പെണ്കുട്ടിക്ക് നേരേ ലൈംഗികാതിക്രമം നടത്തിയത്. അടുത്ത ദിവസം കുട്ടി ബന്ധുവിനോട് ലൈഗികാതിക്രമ വിവരങ്ങള് പറഞ്ഞതോടെയാണ് സംഭവം വീട്ടുകാര് അറിയുന്നത്. തുടര്ന്ന് വീട്ടുകാര് പൊലീസില് നല്കിയ പരാതിയുടെ അടിസ്ഥാനത്തില് കേസെടുത്ത കുന്നംകുളം പൊലീസ് കണ്ണൂര് പൊലീസിന്റെ സഹായത്തോടെ നടത്തിയ അന്വേഷണത്തിലാണ് പ്രതിയെ പിടികൂടിയത്.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം...