ബീഫ് കറിക്ക് പകരം ബീഫ് ഫ്രൈ നല്‍കി, ആലപ്പുഴയില്‍ ഹോട്ടല്‍ ജീവനക്കാരന്റെ തലയ്ക്കടിച്ചു

കഴിഞ്ഞ ആഴ്ച ബീഫ് ഫ്രൈ ചോദിച്ചപ്പോള്‍ ബീഫ് കറി കൊടുത്തെന്ന് ആരോപിച്ചായിരുന്നു ആക്രമണം.  

അലപ്പുഴ: ബീഫ് ഫ്രൈയ്ക്കു പകരം ബീഫ് കറി നല്‍കിയെന്ന കാരണം പറഞ്ഞ് ഹോട്ടല്‍ ജീവനക്കാരന്റെ തല അടിച്ചുതകര്‍ത്തു. എസ്എല്‍ പുരത്ത് ഹോട്ടല്‍ ഊട്ടുപുരയിലെ ജീവനക്കാരന്‍ പൊള്ളേത്തൈ സ്വദേശി ഭാസ്‌കരനാണ് (60) ഗുരുതര പരുക്കേറ്റത്. ഇന്നലെ വൈകിട്ട് അഞ്ചോടെയായിരുന്നു സംഭവം. 3 യുവാക്കളാണ് മദ്യ ലഹരിയില്‍ ഭാസ്‌കരനെ ആക്രമിച്ചത്. 

കഴിഞ്ഞ ആഴ്ച ബീഫ് ഫ്രൈ ചോദിച്ചപ്പോള്‍ ബീഫ് കറി കൊടുത്തെന്ന് ആരോപിച്ചായിരുന്നു ആക്രമണം. ഹോട്ടലിന്റെ അടുക്കളയില്‍ കയറിയാണ് ഭാസ്‌കരനെ ആക്രമിച്ചത്. തലയുടെ പിന്‍ഭാഗത്ത് ആഴത്തില്‍ മുറിവേറ്റ ഭാസ്‌കരന് ആലപ്പുഴ മെഡിക്കല്‍ കോളജ് ആശുപത്രിയില്‍ ശസ്ത്രക്രിയ നടത്തും. ഹോട്ടലിലെ സിസി ടിവി ദൃശ്യങ്ങളില്‍ പ്രതികളെ കണ്ടെത്തിയിട്ടുണ്ട്. മാരാരിക്കുളം പൊലീസ് കേസ് എടുത്ത് അന്വേഷണം ആരംഭിച്ചു.