ആതിരപ്പള്ളി വെള്ളച്ചാട്ടത്തിന്‍റെ ശക്തി കൂടിയതിനാല്‍ ഇവിടങ്ങളിലേക്ക് വിനോദ സഞ്ചാരികള്‍ക്ക് കര്‍ശന വിലക്കുണ്ട്
ചാലക്കുടി: ചാലക്കുടിയിലും കനത്ത മഴ തുടരുകയാണ്. ചാലക്കുടിപ്പുഴ കരകവിഞ്ഞ് ഒഴുകുന്നതിനാല്‍ തീരത്തുള്ളവര്‍ ജാഗ്രതപാലിക്കണമെന്ന് പൊലീസ് കര്‍ശന നിര്‍ദ്ദേശം നല്‍കി. പറമ്പിക്കുളത്തു നിന്നും ആളിയാറിലേക്ക് വെള്ളം തുറന്നുവിടുന്ന കനാലില്‍ തടസ്സമുണ്ടായതിനാല്‍ ചാലക്കുടിപ്പുഴയില്‍ ഇനിയും ജലനിരപ്പ് ഉയരാനുള്ള സാഹചര്യമാണുള്ളത്.
അതിരപ്പള്ളി വെള്ളച്ചാട്ടത്തിന്‍റെ ശക്തി കൂടിയതിനാല്‍ ഇവിടങ്ങളിലേക്ക് വിനോദ സഞ്ചാരികള്‍ക്ക് കര്‍ശന വിലക്കുണ്ട്. ചാലക്കുടിപുഴയുടെ തീരത്ത് നിന്നും ആളുകളെ മാറ്റിപ്പാര്‍പ്പിക്കുന്നത് തുടരുകയാണ്. ചാലക്കുടിയുടെ താഴ്ന്ന പ്രദേശങ്ങളിലാണ് വെള്ളം കയറിയിരിക്കുന്നത്. എന്നാല്‍ നഗരത്തിലും മാര്‍ക്കറ്റിലും വെള്ളം കയറിയിട്ടില്ല. കനത്ത മഴ ഇപ്പോഴും തുടരുകയാണ്.