ഭര്ത്താവിനൊപ്പം യാത്ര ചെയ്യവേ ബൈക്ക് ടിപ്പറിനടിയിലേക്ക് മറിഞ്ഞു, വീട്ടമ്മക്ക് ദാരുണാന്ത്യം
Synopsis
റോഡില് ഗതാഗത തടസ്സം ഉണ്ടായിരുന്നു. ഇതിനിടയല് ടിപ്പർ ലോറിയുടെ അരികിലൂടെ പോകാന് ശ്രമിക്കുന്നതിനിടയില് ഇരുവരും സഞ്ചരിച്ച ബൈക്ക് മറിയുകയായിരുന്നു.
കോഴിക്കോട്: ഭര്ത്താവിനൊപ്പം യാത്ര ചെയ്യവേ ടിപ്പര് ലോറിക്കടിയിലേക്ക് ബൈക്ക് മറിഞ്ഞ് വീട്ടമ്മക്ക് ദാരുണാന്ത്യം. ശരീരത്തിലൂടെ ടിപ്പര് ലോറി കയറിയിറങ്ങുകയായിരുന്നു. കളന്തോട് സ്വദേശി തത്തമ്മപ്പറമ്പില് വേലായുധന്റെ ഭാര്യ മാധവി (60) ആണ് മരിച്ചത്. വേലായുധനെ പരിക്കുകളോടെ സമീപത്തെ സ്വകാര്യ മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇന്ന് വൈകീട്ട് അഞ്ചോടെ എടവണ്ണ-കൊയിലാണ്ടി സംസ്ഥാന പാതയില് മുക്കം അഗസ്ത്യന്മുഴിയിലാണ് അപകടം നടന്നത്.
Read More.... തമിഴ്നാട്ടിൽ മദ്യദുരന്തമെന്ന് സംശയം: 12 പേർ മരിച്ചു, നിരവധിപേർ ആശുപത്രിയിൽ
റോഡില് ഗതാഗത തടസ്സം ഉണ്ടായിരുന്നു. ഇതിനിടയല് ടിപ്പർ ലോറിയുടെ അരികിലൂടെ പോകാന് ശ്രമിക്കുന്നതിനിടയില് ഇരുവരും സഞ്ചരിച്ച ബൈക്ക് മറിയുകയായിരുന്നു. മാധവിയുടെ തലയിലൂടെ ടിപ്പറിന്റെ ടയറുകള് കയറിയിറങ്ങി. ഓടിക്കൂടിയ സമീപത്തുണ്ടായിരുന്നവര് വേലായുധനെ ആശുപത്രിയിലേക്ക് മാറ്റി. മുക്കം അഗ്നിരക്ഷാ സേന സംഭവസ്ഥലത്തെത്തി.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam