വൻ വൈൻ ശേഖരം; അമ്പത്തിനാലുകാരൻ പിടിയിൽ

അനധികൃതമായി വീട്ടിൽ സൂക്ഷിച്ച് വിൽപ്പന നടത്തുകയായിരുന്ന251 ലിറ്റർ വൈനാണ് ഇയാളിൽ നിന്ന് പിടിച്ചത്.  

ആലപ്പുഴ: ചേർത്തലയിൽ വൻ വൈൻ ശേഖരം പിടികൂടി. നഗരസഭ 23-ാം വാർഡ് കുരിശിങ്കൽ വീട്ടിൽ ലോനപ്പനാ (54)ണ് അറസ്റ്റിലായത്. അനധികൃതമായി വീട്ടിൽ സൂക്ഷിച്ച് വിൽപ്പന നടത്തുകയായിരുന്ന251 ലിറ്റർ വൈനാണ് ഇയാളിൽ നിന്ന് പിടിച്ചത്.

കോറോണ വ്യാപനത്തിന്റെ പശ്ചാത്തലത്തിൽ സംസ്ഥാനത്തെ ബാറുകളും, ബിവറേജും, കള്ളുഷാപ്പുകളും പ്രവർത്തിക്കാത്ത സാഹചര്യം മുതലെടുത്ത് ഒരു ലിറ്റർ വൈൻ 180 രൂപ എന്ന നിരക്കിലാണ് ലോനപ്പൻ വിറ്റിരുന്നതെന്ന് പൊലീസ് പറയുന്നു.