കോഴിക്കോട്ടെ 99 ഹോട്ടലുകളിലും ജ്യൂസ് കടകളിലും ബേക്കറികളിലും പരിശോധന; 9 എണ്ണത്തിന് പൂട്ട്, 11 കടകള്ക്ക് പിഴ
Synopsis
കോഴിക്കോട് സൗത്ത്, നോര്ത്ത്, വെള്ളയില്, ചെറൂപ്പ, കുന്നമംഗലം എന്നീ മേഖലകളിലാണ് പരിശോധന നടത്തിയത്.
കോഴിക്കോട്: നഗരത്തിലും സമീപ പ്രദേശങ്ങളിലും ഭക്ഷ്യസുരക്ഷാ വകുപ്പ് ഉദ്യോഗസ്ഥരുടെ കര്ശന പരിശോധന. വൃത്തിഹീനമായ സാഹചര്യത്തില് ഭക്ഷണം പാകം ചെയ്ത കടകള് പൂട്ടിക്കുകയും പിഴ ചുമത്തുകയും ചെയ്തു. കോഴിക്കോട് സൗത്ത്, നോര്ത്ത്, വെള്ളയില്, ചെറൂപ്പ, കുന്നമംഗലം എന്നീ മേഖലകളിലാണ് പരിശോധന നടത്തിയത്.
കോഴിക്കോട് റെയില്വേ സ്റ്റേഷന് പരിസരത്തെ ഹോട്ടല് സ്വീകാര്, സികെ കഫെ, വെള്ളയിലിലുള്ള ഓഷ്യാനിക്, അജ്വ, ടി ജ്യൂസ്, ഹോട്ട് ബണ്, ചേളന്നൂരിലെ ഫേമസ് കൂള്ബാര്, കുന്നമംഗലത്തെ ഇത്താത്താസ്, ചെറൂപ്പയിലെ അല് റാസി, പൂവ്വാട്ടുപറമ്പിലെ എംസി ഹോട്ടല് എന്നിവക്കെതിരെയാണ് നടപടി സ്വീകരിച്ചത്. ഈ സ്ഥാപനങ്ങള് അടച്ചുപൂട്ടാന് ഉത്തരവിട്ടു. ഇവയ്ക്ക് പുറമേ 11 കടകള്ക്ക് പിഴ ചുമത്തുകയും ചെയ്തിട്ടുണ്ട്.
ഹോട്ടലുകള്, ബേക്കറികള്, കൂള്ബാറുകള് എന്നിവിടങ്ങളിലാണ് അധികൃതര് പ്രധാനമായും പരിശോധന നടത്തിയത്. അഞ്ച് സംഘങ്ങളായി തിരിഞ്ഞായിരുന്നു പരിശോധന. 12 കടകള്ക്ക് നോട്ടീസ് നല്കിയിട്ടുണ്ട്. വരും ദിവസങ്ങളിലും പരിശോധന തുടരുമെന്ന് ഉദ്യോഗസ്ഥര് അറിയിച്ചു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam