കടയ്ക്കാവൂർ ബിജു കുമാർ കൊലക്കേസ്: തലയ്ക്ക് പിന്നിൽ വെട്ടിയത് താനെന്ന് പ്രതി മുകേഷിന്റെ മൊഴി; രണ്ടുപേർ കൂടി പിടിയിൽ

കടയ്ക്കാവൂരിൽ കടകംപള്ളി ബിജു കൊല്ലപ്പെട്ട കേസിൽ മുഖ്യപ്രതി മുകേഷും മറ്റ് രണ്ട് പേരും പിടിയിലായി. മുൻവൈരാഗ്യമാണ് കൊലപാതകത്തിന് കാരണമെന്നാണ് പോലീസിന്റെ പ്രാഥമിക നിഗമനം. മൃതദേഹം കണ്ടെത്തിയ സ്ഥലത്തിന് സമീപമുള്ള വീട്ടിൽ വെച്ചാണ് കൊലപാതകം നടന്നത്.

തിരുവനന്തപുരം: കടയ്ക്കാവൂരിൽ കൊലക്കേസ് പ്രതിയായ കടകംപള്ളി ബിജു കൊല്ലപ്പെട്ട സംഭവത്തിൽ നിർണായക വഴിത്തിരിവ്. ബിജുവിന്റെ തലയ്ക്ക് പിന്നിൽ വെട്ടിയത് താനാണെന്ന് പിടിയിലായ മുഖ്യപ്രതി മുകേഷ് മൊഴി നൽകി. സംഭവത്തിൽ പ്രദേശവാസിയായ മഹിക്ക് ഈ കേസിൽ പങ്കില്ലെന്ന് പോലീസ് വ്യക്തമാക്കിയിട്ടുണ്ട്. അതേസമയം, കൊലപാതകത്തിൽ മുകേഷിനൊപ്പം ഉണ്ടായിരുന്ന മറ്റ് രണ്ട് പ്രതികളെ കൂടി പോലീസ് പിടികൂടി. പ്രദേശവാസികളായ മൊട്ട പ്രദീപ്, ശൈലേഷ് എന്നിവരാണ് പുതുതായി പൊലീസിന്റെ പിടിയിലായത്.

മൃതദേഹം കണ്ടെത്തിയ വയലിന് സമീപത്തെ വീട്ടിൽവെച്ചാണ് കൊലപാതകം നടന്നത്. തുടർന്ന് കസ്റ്റഡിയിലായ പ്രതികളെ സംഭവസ്ഥലത്തെത്തിച്ച് പോലീസ് തെളിവെടുപ്പ് നടത്തി. മുൻവൈരാഗ്യമാണ് കൊലപാതകത്തിന് കാരെന്നാണ് പോലീസിന്റെ പ്രാഥമിക നിഗമനം. മൃതദേഹം കണ്ടെത്തിയ വയലിന് സമീപമുള്ള സ്ഥലങ്ങളിലും വീടുകളിലും ശാസ്ത്രീയ പരിശോധനകൾ ഉൾപ്പെടെയുള്ള നടപടികൾ പുരോഗമിക്കുകയാണ്.