കല്ലട ബസ് അപകടത്തിൽപെട്ടു; നിയന്ത്രണം വിട്ട് റോഡിലെ മീഡിയനിലേക്ക് ഇടിച്ചുകയറി അപകടം

മുന്നിലൂടെ പോയ വാഹനം പെട്ടെന്ന് നിർത്തിയതോടെ പിന്നാലെ വരികയായിരുന്ന ബസ് നിയന്ത്രണം വിട്ട് ഇടതുവശത്തെ റോഡിന്റെ മീഡിയൻ ഭാഗത്തേക്ക് ഇടിച്ചു കയറുകയായിരുന്നു. 

കൊച്ചി: കൊച്ചി ദേശീയപാതയിൽ കല്ലട ബസ് അപകടത്തിൽപെട്ടു. കറുകുറ്റി അഡ്ലക്സിന് സമീപത്ത് വെച്ചാണ് അപകടമുണ്ടായത്. 
യാത്രക്കാർ പരിക്കേൽക്കാതെ രക്ഷപ്പെട്ടു. ബം​ഗളൂരുവിൽ നിന്ന്  എറണാകുളത്തേക്ക് പോയ കല്ലട ബസ്സാണ് അപകടത്തിൽപ്പെട്ടത്. 
രാവിലെ ഏഴുമണിയോടെയായിരുന്നു സംഭവം. മുന്നിലൂടെ പോയ വാഹനം പെട്ടെന്ന് നിർത്തിയതോടെ പിന്നാലെ വരികയായിരുന്ന ബസ് നിയന്ത്രണം വിട്ട് ഇടതുവശത്തെ റോഡിന്റെ മീഡിയൻ ഭാഗത്തേക്ക് ഇടിച്ചു കയറുകയായിരുന്നു.