കൊവിഡ് ബാധിച്ച് മരിച്ചയാളുടെ മൃതദേഹം സംസ്കരിച്ചതിൽ ആരോഗ്യ വകുപ്പിന് വീഴ്ചയെന്നാരോപിച്ച് കണ്ണൂർ കോർപ്പറേഷൻ പയ്യാമ്പലം ശ്മശാനം താത്കാലികമായി അടച്ചു.
കണ്ണൂർ: കൊവിഡ് ബാധിച്ച് മരിച്ചയാളുടെ മൃതദേഹം സംസ്കരിച്ചതിൽ ആരോഗ്യ വകുപ്പിന് വീഴ്ചയെന്നാരോപിച്ച് കണ്ണൂർ കോർപ്പറേഷൻ പയ്യാമ്പലം ശ്മശാനം താത്കാലികമായി അടച്ചു. തങ്ങളെ അറിയിക്കാതെ മൃതദേഹം കൊണ്ടുവന്ന് മുഴുവൻ കത്തിത്തീരും മുമ്പ് ബന്ധുക്കളും ആരോഗ്യ വകുപ്പ് ഉദ്യോഗസ്ഥരും സ്ഥലം വിട്ടെന്നാണ് ആരോപണം. കോർപ്പറേഷൻ സെക്രട്ടറിയെ വിവരം അറിയിച്ചിരുന്നു എന്നാണ് ഡിഎംഒ വിശദീകരിക്കുന്നത്. പ്രശ്ന പരിഹാരത്തിനായി ചർച്ച തുടരുകയാണ്.