പാന്‍റിന്‍റെ പോക്കറ്റിൽ പൊലീസ് കണ്ടത് വിദേശ നോട്ട്, പുറത്തെടുത്തപ്പോൾ ഉള്ളിൽ ഒരു പൊതി! എംഡിഎംഎ, യുവാവ് പിടിയിൽ

കോഴിക്കോട് സ്വദേശിയായ 24 കാരൻ പി കെ റമീസിനെയാണ് എസ് ഐ മുരളീധരന്‍റെ നേതൃത്വത്തിലുള്ള സംഘം അറസ്റ്റ് ചെയ്തത്

ബത്തേരി: വാഹന പരിശോധനക്കിടെ വിദേശ കറൻസിയിൽ പൊതിഞ്ഞ നിലയിൽ എം ഡി എം എയുമായി യുവാവ് പിടിയില്‍. കോഴിക്കോട്, മേപ്പയൂര്‍, പാറക്കണ്ടി വീട്ടില്‍ പി കെ റമീസ് (24) നെയാണ് എസ് ഐയായ പി എന്‍ മുരളീധരന്‍റെ നേതൃത്വത്തിലുള്ള സംഘം അറസ്റ്റ് ചെയ്തത്. ഇന്നലെ വൈകിട്ട് മുത്തങ്ങ ചെക്‌പോസ്റ്റിന് സമീപം വാഹന പരിശോധനക്കിടെയാണ് 06 ഗ്രാം എം ഡി എം എയുമായി ഇയാള്‍ പിടിയിലായത്.

ഗുണ്ടല്‍പേട്ട ഭാഗത്ത് നിന്നും ബത്തേരി ഭാഗത്തേക്ക് വരുകയായിരുന്ന ഇയാളുടെ പാന്‍റിന്‍റെ പോക്കറ്റില്‍ വിദേശ കറന്‍സിയില്‍ പൊതിഞ്ഞ നിലയിലായിരുന്നു എം ഡി എം എ. എസ് സി പിഒമാരായ അരുണ്‍ജിത്ത്, ഷബീര്‍ അലി, സി പി ഒമാരായ ബി എസ് വരുണ്‍, സന്തോഷ് എന്നിവരടക്കമുള്ളവരും പ്രതിയെ പിടികൂടിയ പൊലീസ് സംഘത്തിലുണ്ടായിരുന്നു.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം