കൊച്ചിയിലെ ടൈറ്റസിന്‍റെ വാടകവീട്, താമസിക്കുന്നത് മലപ്പുറം സ്വദേശി ശരത്ത്, മുങ്ങുന്നതിന് മുൻപ് പണവും മോഷ്ടിച്ചു തീയുമിട്ടു; യുവാവ് പിടിയിൽ

വാടക വീട് ഒഴിഞ്ഞു പോകാൻ നിർദേശിച്ച ഉടമയെ ആക്രമിച്ച് മുറിക്ക് തീയിട്ട് യുവാവ്. കൊച്ചി മരട് സ്വദേശി ടൈറ്റസിന്‍റെ വീട്ടിലെ മുറിയിലാണ് തീയിട്ടത്

കൊച്ചി: വാടക വീട് ഒഴിഞ്ഞു പോകാൻ നിർദേശിച്ച ഉടമയെ ആക്രമിച്ച് മുറിക്ക് തീയിട്ട് യുവാവ്. കൊച്ചി മരട് സ്വദേശി ടൈറ്റസിന്‍റെ വീട്ടിലെ മുറിയിലാണ് തീയിട്ടത്. റൂമിലെത്തുന്ന വെള്ളത്തെ ചൊല്ലി താമസക്കാരനായ മലപ്പുറം സ്വദേശി ശരത്തുമായി തർക്കിച്ചിരുന്നു. പിന്നാലെ ശരത് ടൈറ്റസിനെയും ഭാര്യയും ആക്രമിച്ചു. പിന്നാലെ പോലീസ് കസ്റ്റഡിയിലെടുത്ത് വിട്ടയച്ച യുവാവ് മുറിക്ക് തീയിടുകയായിരുന്നു. മുറിയിൽ ഇയാൾക്കൊപ്പം താമസിച്ചിരുന്ന ആളുടെ പണം മോഷ്ടിക്കുകയും ചെയ്തു. നിലവില്‍ ഇയാളെ പൊലീസ് പിടികൂടിയിട്ടുണ്ട്.