750 കോടിയുമായി പോകുന്ന വാഹന വ്യൂഹം, കോഴിക്കോട്ട് വെച്ച് സുരക്ഷാ ചുമതലയിൽ വീഴ്ച,അസി. കമ്മീഷണര്ക്ക് സസ്പെൻഷൻ
Synopsis
യൂണിയന്ബാങ്കിന്റെ കോഴിക്കോട് മാങ്കാവിലെ കറന്സി ചെസ്റ്റില് നിന്നും ഹൈദരാബാദിലേക്ക് പണവുമായി പോയ ട്രക്കുകളുടെ സുരക്ഷാ ചുമതലയില് എസിപി വീഴ്ചവരുത്തിയെന്ന് കണ്ടതിനെത്തുടര്ന്നാണ് നടപടി.
കോഴിക്കോട് : 750 കോടി രൂപയുടെ കറന്സി കൊണ്ടു പോകുന്ന വാഹവ്യൂഹത്തിന്റെ സുരക്ഷാ ചുമതലയില് വീഴ്ച വരുത്തിയതിന് അസിസ്റ്റന്റ് കമ്മീഷണര്ക്ക് സസ്പെന്ഷന്. കോഴിക്കോട് സിറ്റി ഡി സി ആര്ബിയിലെ അസിസ്റ്റന്റ് കമ്മീഷണര്, ടി . പി ശ്രീജിത്തിനെയാണ് ആഭ്യന്തരവകുപ്പ് അഡീഷണല് സെക്രട്ടറി സസ്പെന്റ് ചെയ്തത്.
യൂണിയന് ബാങ്കിന്റെ കോഴിക്കോട് മാങ്കാവിലെ കറന്സി ചെസ്റ്റില് നിന്നും ഹൈദരാബാദിലേക്ക് പണവുമായി പോയ ട്രക്കുകളുടെ സുരക്ഷാ ചുമതലയില് എസിപി വീഴ്ച വരുത്തിയെന്ന് കണ്ടതിനെത്തുടര്ന്നാണ് നടപടി. യൂണിഫോം ധരിക്കാതെ സ്വകാര്യ വാഹനത്തിലാണ് എ സി പി അകമ്പടി പോയത്. ഔദ്യോഗിക പിസ്റ്റള് കൈവശമുണ്ടായിരുന്നില്ലെന്നും ആഭ്യന്തര അന്വേഷണത്തില് കണ്ടെത്തിയിരുന്നു. പണം കൊണ്ടു പോകുന്ന കാര്യത്തില് റിസര്വ് ബാങ്കിന്റെ സുരക്ഷാ നിര്ദേശങ്ങള് എ സി പി ലംഘിച്ചതായും സസ്പെന്ഷന് ഉത്തരവില് പറയുന്നു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam