മരം കടപുഴകി വീണ് അപകടം; ബൈക്ക് യാത്രികനായ കെഎസ്ഇബി ജീവനക്കാരന് ദാരുണാന്ത്യം

പരിക്ക് പറ്റിയ അജയകുമാറിനെ ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു.  

തിരുവനന്തപുരം: മരം കടപുഴകി വീണ് ബൈക്ക് യാത്രികനായ കെഎസ്ഇബി ജീവനക്കാരന് ദാരുണാന്ത്യം. കെഎസ്ഇബി നെടുമങ്ങാട് സെക്ഷനിലെ ഇലക്ട്രിസിറ്റി വർക്കർ  കുളപ്പട സ്വദേശി അജയകുമാറാണ് മരിച്ചത്. 

ഇന്ന് രാവിലെ ജോലിക്ക് പോകുന്ന വഴി ആര്യനാട്-നെടുമങ്ങാട് റോഡിൽ വെച്ച് ഇദ്ദേഹം സഞ്ചരിച്ച ഇരുചക്രവാഹനത്തിലേക്ക്  വഴിയരികിൽ നിന്ന മരം കടപുഴകി വീഴുകയായിരുന്നു. ഇതോടൊപ്പം 33കെവി ടവറും നിലംപൊത്തി. പരിക്ക് പറ്റിയ അജയകുമാറിനെ ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു.