ലഹരി വിരുദ്ധ ബോധവത്കരണം; കെഎസ്‍യു ക്യാമ്പസ് ജാഗരൻ യാത്രക്ക് ചൊവ്വാഴ്ച്ച തുടക്കമാകും

ലഹരി മാഫിയക്കെതിരെ വിദ്യാർത്ഥി മുന്നേറ്റം എന്ന മുദ്രാവാക്യം ഉയർത്തി മാർച്ച് 11 ചൊവ്വാഴ്ച്ച കാസർഗോഡ് നിന്ന് തുടക്കമാകും.മാർച്ച് 19ന് യാത്ര തിരുവനന്തപുരത്ത് സമാപിക്കും.

തിരുവനന്തപുരം: ലഹരി വിരുദ്ധ ബോധവത്കരണം ലക്ഷ്യമിട്ട് കെഎസ്‍യു നടത്തുന്ന ക്യാമ്പസ് ജാഗരൻ യാത്രക്ക് ചൊവ്വാഴ്ച്ച തുടക്കമാകും. കെഎസ്‍യു സംസ്ഥാന പ്രസിഡൻ്റ് അലോഷ്യസ് സേവ്യർ നയിക്കുന്ന യാത്ര എൻഎസ്‍യുഐ ദേശീയ പ്രസിഡൻ്റ് വരുൺ ചൗധരി ഉദ്ഘാടനം ചെയ്യും. കേരളത്തെ കാർന്നു തിന്നുന്ന ലഹരി മാഫിയകൾക്കെതിരെ ജനമനസ്സുകളും സർക്കാർ സംവിധാനങ്ങളും ഉണർന്ന് പ്രവർത്തിക്കണമെന്നാവശ്യപ്പെട്ട് കൊണ്ടാണ് ലഹരി വിരുദ്ധ ബോധവത്കരണ ജാഥ സംഘടിപ്പിക്കുന്നത്. ലഹരി മാഫിയക്കെതിരെ വിദ്യാർത്ഥി മുന്നേറ്റം എന്ന മുദ്രാവാക്യം ഉയർത്തി മാർച്ച് 11 ചൊവ്വാഴ്ച്ച കാസർഗോഡ് നിന്ന് തുടക്കമാകും.മാർച്ച് 19ന് യാത്ര തിരുവനന്തപുരത്ത് സമാപിക്കും.

എല്ലാ ജില്ലയിലെയും തെരഞ്ഞെടുക്കപ്പെട്ട ഒരു ക്യാമ്പസിലാകും യാത്ര എത്തിച്ചേരുക. ഇതിനോടനുബന്ധിച്ച് യൂണിറ്റ് - നിയോജക മണ്ഡലം തലങ്ങളിൽ ലഹരിക്കെതിരെ  ജാഗ്രതാ സദസ്സുകളും, വിവിധ ബോധവത്കരണ പരിപാടികളും സംഘടിപ്പിക്കും. സംസ്ഥാന തലത്തിൽ കെ.എസ്.യു  ലഹരി വിരുദ്ധ സേനയ്ക്കും രൂപം നൽകും. ഒരു ജില്ലയിൽ നിന്ന് തെരഞ്ഞെടുക്കപ്പെട്ട  അഞ്ചു വീതം പ്രതിനിധികളാകും ഈ സേനയിൽ പങ്കാളികളാകുക. ലഹരിക്കെതിരായ അവബോധം ഏറെ പ്രാധാന്യമർഹിക്കുന്ന കാലഘട്ടമാണിതെന്നും, വിദ്യാർത്ഥികൾ ഉൾപ്പടെയുള്ളവരെ കാർന്ന് തിന്നുന്ന രാസ ലഹരി ഉൾപ്പടെയുള്ളവയുടെ  ഉപയോഗത്തിനെതിരെ ബോധവത്കരണം ശക്തമാക്കുമെന്നും കെ.എസ്.യു സംസ്ഥാന പ്രസിഡൻ്റ് അലോഷ്യസ് സേവ്യർ പറഞ്ഞു.

സംസ്ഥാന വൈസ് പ്രസിഡൻ്റുമാരായ എം.ജെ യദുകൃഷ്ണൻ, ആൻ സെബാസ്റ്റ്യൻ, മുഹമ്മദ് ഷമ്മാസ്, അരുൺ രാജേന്ദ്രൻ എന്നിവർ ജാഥാ വൈസ് ക്യാപ്റ്റന്മാർ ആയിരിക്കും. തെരഞ്ഞെടുക്കപ്പെട്ട സംസ്ഥാന - ജില്ലാ ഭാരവാഹികൾ സ്ഥിരാംഗങ്ങളാകും. കേരളത്തിൻ്റെ ചുമതലയുള്ള എൻ.എസ്.യു.ഐ ദേശീയ ജന.സെക്രട്ടറി അനുലേഖ ബൂസയും ജാഥയിൽ പങ്കെടുക്കും.

ക്യാമ്പസ്‌ ജാഗ്രൻ യാത്ര എത്തിച്ചേരുന്ന കോളേജുകൾ

കാസർകോട് - ഗവ ഐ ടി ഐ കാസർകോട്
March 11 , 9.00 AM

കണ്ണൂർ - എസ് എൻ കോളേജ്
March 11, 2.00 PM

വയനാട് - കൽപ്പറ്റ ഗവ കോളേജ്
March 12 , 9.00 AM

കോഴിക്കോട് - മലബാർ ക്രിസ്ത്യൻ കോളേജ് 
March 12, 2.00 PM

മലപ്പുറം -  യൂണിവേഴ്‌സിറ്റി ക്യാമ്പസ്
March 13, 9.00 AM

പാലക്കാട് - വിക്ടോറിയ
March 13, 2.00 PM

തൃശ്ശൂർ - ചേലക്കര ഗവ: പോളിടെക്നിക്
March 14, 9.00 AM

എറണാകുളം - യു സി കോളേജ് ആലുവ
March 14, 2.00 PM

ഇടുക്കി - തൊടുപുഴ ന്യൂമാൻ
March 17 , 9.00 AM

കോട്ടയം - സി എം എസ്
March 17, 2.00 PM

പത്തനംതിട്ട - കത്തോലിക്കേറ്റ്
March 18, 9.00 AM

ആലപ്പുഴ - എം എസ് എം
March 18, 2.00 PM

കൊല്ലം - ഡി ബി കോളേജ്
March 19, 9.00 AM

തിരുവനന്തപുരം - യൂണിവേഴ്‌സിറ്റി കോളേജ്
March 19, 2.00 PM

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം