മലപ്പുറത്ത് ഞായറാഴ്ച സമ്പൂര്ണ ലോക്ക് ഡൗണ്; നിയന്ത്രണങ്ങള് കര്ശനമാക്കി
Synopsis
വിവാഹം, മരണാനന്തര ചടങ്ങുകള് എന്നിവയില് പരമാവധി 20 പേര് മാത്രമേ പങ്കെടുക്കാന് പാടുള്ളൂ. സ്വകാര്യ ക്ലിനിക്കുകളിലും ആശുപത്രികളിലും രോഗികള് സാമൂഹിക അകലം പാലിക്കണം.
മലപ്പുറം: ജില്ലയില് കൊവിഡ് രോഗികള് കൂടുന്ന സാഹചര്യത്തില് നിയന്ത്രണങ്ങള് കര്ശനമാക്കാന് ജില്ലാ കലക്ടറുടെ അധ്യക്ഷതയിൽ ചേര്ന്ന ജില്ലാദുരന്ത നിവാരണ അതോറിറ്റി യോഗത്തില് തീരുമാനിച്ചു. ഞായാറാഴച ജില്ലയില് സമ്പൂര്ണ്ണ ലോക്ഡൗണ് ഏര്പ്പെടുത്തി. വിവാഹം, മരണം, മെഡിക്കല് എമര്ജന്സി, മെഡിക്കല് സ്ഥാപനങ്ങള്, പെട്രോള് പമ്പുകള് എന്നിവയ്ക്ക് ലോക്ക് ഡൗണ് ബാധകമല്ലെന്ന് ജില്ലാ കളക്ടര് അറിയിച്ചു.
വിവാഹം, മരണാനന്തര ചടങ്ങുകള് എന്നിവയില് പരമാവധി 20 പേര് മാത്രമേ പങ്കെടുക്കാന് പാടുള്ളൂ. സ്വകാര്യ ക്ലിനിക്കുകളിലും ആശുപത്രികളിലും രോഗികള് സാമൂഹിക അകലം പാലിക്കണം. ഒരേ സമയം കൂടുതല് രോഗികള് ക്ലിനിക്കില് എത്തുന്നില്ലെന്ന് ഡോക്ടര്മാര് ഉറപ്പുവരുത്തണം. ഇതിനായി മുന്കൂട്ടി ബുക്ക് ചെയ്ത് നിശ്ചിത സമയത്ത് മാത്രം രോഗികള് എത്തുന്നതിനുള്ള നടപടികള് സ്വീകരിക്കണം.
നിയമലംഘനം നടത്തുന്ന ക്ലിനിക്കുകള് അടച്ച് പൂട്ടുന്നതിനുള്ള നടപടികള് സ്വീകരിക്കും. സ്വകാര്യ ആശുപത്രികളിലും ക്ലിനിക്കുകളിലും കച്ചവട സ്ഥാപനങ്ങളിലും സാമൂഹിക അകലം കാണിക്കുന്ന അടയാളങ്ങള് രേഖപ്പെടുത്തണം. ഇവിടങ്ങളില് മാസ്ക്, സാനിറ്റൈസര് എന്നിവ നിര്ബന്ധമായും ഉപയോഗിക്കണം. 10 വയസിന് താഴെയുള്ള കുട്ടികളും 65 വയസിന് മുകളിലുള്ളവരും ഗർഭിണികളും മെഡിക്കല് ആവശ്യങ്ങള്ക്കല്ലാതെ പുറത്തിറങ്ങാന് പാടില്ല. അയല് വീടുകളിലും രോഗികളെയും പ്രായമായവരെയും സന്ദര്ശിക്കുന്നത് പൂര്ണമായും ഒഴിവാക്കണം.
ജില്ലയിലെ കണ്ടെയ്ന്മെന്റ് ഒഴികെയുള്ള പ്രദേശങ്ങളിലെ കടകള് രാവിലെ ഏഴ് മുതല് വൈകീട്ട് ഏഴ് വരെ പ്രവര്ത്തിപ്പിക്കാം. ഹോട്ടലുകളും ബേക്കറികളിലും ഇരുന്ന് ഭക്ഷണം കഴിക്കാന് പാടില്ല. രാത്രി ഒന്പത് വരെ പാഴ്സല് നല്കാം.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam