
തിരുവനന്തപുരം: അയല്ക്കാരനായ കിടപ്പുരോഗിയെ ആക്രമിക്കുന്നത് തടഞ്ഞ യുവാവിനെ ക്രൂരമായി മര്ദിക്കുകയും കഴുത്തുഞെരിച്ച് കൊലപ്പെടുത്താന് ശ്രമിക്കുകയും ചെയ്ത പ്രതിയെ തിരുവല്ലം പൊലീസ് അറസ്റ്റ് ചെയ്തു. പ്രതിയുടെ ക്രൂരതയ്ക്കിരയായ പാച്ചല്ലൂര് സ്വദേശി സുരേഷ് ആശുപത്രിയില് ചികിത്സയിലാണ്. തിരുവല്ലം പനത്തുറ വടക്കേ കൂനംതുരുത്തിയില് ഹരി(34) ആണ് അറസ്റ്റിലായത്. ഇന്നലെ ഉച്ചയ്ക്ക് 3.30 ഓടെ നടന്ന സംഭവത്തില് അയല്ക്കാരനായ കിടപ്പുരോഗിയെ ഹരി ആക്രമിക്കുന്നത് കണ്ട് സുരേഷ് ചോദ്യം ചെയ്തതാണ് ആക്രമണത്തിന് കാരണമായത്. പ്രതി കൈയില് കരുതിയ ഇടിവള ഉപയോഗിച്ച് സുരേഷിന്റെ തലയിലും മുഖത്തും ക്രൂരമായി മര്ദിക്കുകയും നിലത്തിട്ട് വലിച്ചിഴക്കുകയും കഴുത്തുഞെരിച്ച് കൊലപ്പെടുത്താന് ശ്രമിക്കുകയും ചെയ്തു. തിരുവല്ലം പൊലീസ് സ്റ്റേഷനിലെ ആര്എച്ച്എസ് പ്രതിയും തിരുവല്ലം, കോവളം സ്റ്റേഷനുകളിലായി അഞ്ചോളം ആക്രമണ കേസുകളില് പ്രതിയുമായ ഹരിക്കെതിരെ കൂടുതല് നിയമനടപടികള് സ്വീകരിച്ചു വരുന്നതായി പൊലീസ് അറിയിച്ചു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam